|| ಶೃತಿ ಬಂದು ಸೇರಿದಾಗ ||

ಆ ಚಂದ್ರ ಚೂರಾಗಿ

ಆ ಚೂರು ಧರೆಗುರುಳಿ

ಈ ಮೊಗದಲಿ

ಆ ಕಾಂತಿ ಕಂಗೊಳಿಸುತಿಹುದು ||

ಕಲ್ಪನೆಯ ಕುಸುಮವಾಗಿ

ಮುಡಿಯೇರುವ ಮಲ್ಲಿಗೆಯು ನೀ

ಮಲ್ಲಿಗೆಯ ಮಕರಂದದೊಳಗಿನ

ಮಧುವು ನಾನಾಗಿ ನಿನ ಅಂದ ವೃದ್ಧಿಸುವೆ ||

ಮೂಗಿನ ಮೇಲೊಂದು ಕಿವಿಗಳಲ್ಲೆರಡು

ಕಣ್ಣ್ಕಾಂತಿಯಲಿ ಮಿನುಗುತಿರುವ

ಇನ್ನೆರಡು ತಾರೆಗಳು ಕಂಗೊಳಿಸುತಿಹುದು

ರೇಷಿಮೆಯ ಕೇಶಗಳು ಹೊಳೆಯುತಿಹುದು ||

ಜೊತೆಯಲಿ ಹಾಡುವೆನು ರಾಗವನಿಂದು

ಪದಗಳ ಪೋಣಿಸುವ ಕಾರ್ಯ ನನದೆಂದು

ಭಾವವನು ತುಂಬುವೆನು ತಾಳವನು ಹಾಕುವೆನು

ಸುಂದರ ಈ ಜೀವನ ರಾಗ ಶೃತಿ ಬಂದು ಸೇರಿದಾಗ ||