|| ಕಾಯುತಿರುವೆ ||

ನೀ ಕದಡಿದ ನೀರಿನಲಿ

ಗಟ್ಟಿಯಾಗಿಹ ಕೆಸರಿನ ಮೇಲೆ

ನೀ ನಡೆದ ದಾರಿಯಲಿ

ಮೂಡಿದ ಹೆಜ್ಜೆ ಗುರುತುಗಳನು

ಹನಿಯಂತೆ ಎದೆಗಿಳಿದು ಅಳಿಸದಿರು

ನಿನ ಬಿಟ್ಟು ಬೇರೇನು ಬೇಡದು

ನನಗಾಗಿ ಹಾಗೆ ಬಿಡು ಗುರುತನಾದರು

ಆ ನೆನಪಿನಲೆ ಬದುಕುಳಿಯಲು ||

 

ನೀರು ಇರದ ಬರಗಾಲದಲಿ

ಬೆವರು ಕಣ್ಣೀರು ನಿಲ್ಲದು

ನೀನಿಲ್ಲದ ಬದುಕಿನಲಿ

ನಿನ ನೆನೆಪು ಮರೆಯಾಗದು

ಅಮವಾಸ್ಯೆಯಲಿ ಚಂದ್ರ ಮರೆಯಾದರು

ಪ್ರಥಮದಂದು ಮರಳಿದಂತೆ

ನೀ ತಿರುಗಿ ಬರುವೆಯೆಂದು

ಚಾತಕ ಪಕ್ಷಿಯಂತೆ ಕಾಯುತಿರುವೆ ||