|| ಪ್ರೀತಿ ಬದುಕು ||

ನೀರಿನಲಿ ಈಜುವೆನು
ಗಾಳಿಯಲಿ ತೇಲುವೆನು
ಮುನಿಸಿನಲಿ ಮುದುಡುವೆನು
ಸೊಗಸಿನಲಿ ಸಿಹಿಯಾಗುವೆನು
ಮನದ ಭಾವ ಬೆರೆತಾಗ
ಕಿಡಿಯು ಕಿಚ್ಚಾಗಿ ಉರಿದಾಗ
ಮಾತು ಮುದುಡಿ ಮೌನ ||

ನೈಜ ಎಂಬ ಸತ್ಯವನು ಮರೆಯೊದಲ್ಲ
ದಾರದಲಿ ಸಾಯೋದಲ್ಲ
ಕನಸುಗಳ ತಿವುಡೋದಲ್ಲ
ಜಗಳವನು ಮಾಡೋದಲ್ಲ
ಕಣ್ಣೀರ ಹಾಕೋದಲ್ಲ
ಸಪ್ಪೆಯಾಗಿ ಸವೆಯೋದಲ್ಲ
ಮನಸನರಿಯೇ ಬದುಕು ||

ಕಿರುಚಿ ಕೂಗಿ ಮನಸನು ಮುರಿಯೋದೇಕೆ?
ಒಂಟಿಯಾಗಿ ಬಾಳೋದೇಕೆ?
ನಂಬಿಕೆಯ ಗರಿಯೋದೇಕೆ?
ಮೋಸವನು ಮಾಡೋದೇಕೆ?
ಅರ್ಥವಾದ ಆತ್ಮ ಸಾಕೆ?
ಬಲವಾದ ಭರವಸೆ ಬೇಕೆ?
ಪ್ರೀತಿ ಹರಿಯೇ ಬದುಕು ||

|| ಹಣ್ಣಿನಂತ ಹೆಣ್ಣು ||

ಹಣ್ಣಿನಂಥ ಗಿಣಿಯು ನಾನು
ತಿನ್ನಬರುವ ಗಿಡುಗರೇನು?
ಗದ್ದೆಯಂತೆ ನನ್ನ ಮೈಯಿ
ನಾಟಿ ಮಾಡೋ ಹೈದ ಯಾರು?
ಜನ್ಮ ಕಾದರು ನಾಯಿ ಹಂಗೆ
ಹೆಣ್ಣು ಸಿಗದು ನನ್ನ ಹಂಗೆ...||

ಫಸಲು ಕೊಡುವ ಭೂಮಿ ನಾನು
ಬನ್ರಿ ಇಲ್ಲಿ ಬಿಜ ಬಿತ್ತೊ ಆಳು ನೀವು
ಮೊಳಕೆ ಬರಲು ಹೆದರಿ ತಾವು
ಹೆದರಿ ಓಡದಿರಿ ಹಂಗಾಮಿ ಹೆಣ್ಣು ಎಂದು
ಸುಖವು ಮಾತ್ರ ಸ್ವಂತದಪ್ಪ
ಹತ್ರ ಬಂದ್ರೆ ಎನು ತಪ್ಪ?...||

ಮನೆಯ ಆಳುವ ಒಡೆಯರೇನು?
ಇಲ್ಲಾ ಹೆಂಡ್ತಿಗೆ ಹೆದರೊ ಗಂಡರೇನು?
ಏನೆ ಅಗ್ಲಿ ಬಾಗ್ಲು ಮುಚ್ಚಿ ಕತ್ಲೆಯಲಿ ಕೆನ್ನೆ ಕಚ್ಚಿ
ಮನೆಯ ವಿರಸವ ಮರೆತು ಬಿಡ್ರಿ
ನನ್ನ ಸರಸಕೆ ಸೋತು ಹೋಗ್ರಿ
ಸಮಯವೀಗ ಮುಗಿದು ಹೋಯ್ತು
ಕಳಚಿ ಕೊಳ್ರಿ ಆಟ ಮುಗಿತು...||

|| ನಿಸರ್ಗಕೆ ನಮಿಸು ||

ಕಂಗಳ ಹಾಡಿಗೆ

ಎದೆಯಲಿ ಕಲರವ

ಹೃದಯದ ಕಡಲಿದು

ಕಲಕಿದೆ ಕಲ್ಪನೆಯಲಿ

ಅಲೆಗಳು ಏಳುತ

ಕಾಡಿದೆ ಚಿತ್ತವನು ||

ತಂಪಿನ ಭಾವವು

ತಣ್ಣಗೆ ಸೋಕಲು

ಹುರುಪಿನ ಹೀಗ್ಗುಗಳು

ಮುದ್ದಿನ ಮನಸಲಿ

ಮೂಡಿದ ಚಿತ್ರವ

ಕರೆದೊಯ್ದಿದೆ ಅಂಗಳಕೆ ||

ಪ್ರಕೃತಿಯ ಸೊಬಗನು

ಮೆಲ್ಲಗೆ ಮೆಲಕುತ

ಮೆರೆಯಲು ತುಂಬಿದೆ

ದೇಹಕೆ ಸ್ಥೈರ್ಯವ

ನಿಸರ್ಗವು ನವಿರಾಗಿದೆ

ನೋಡುತ ನಮಿಸುವ ||

|| ಪುಕ್ಸಟೆ ನಿಯತ್ತು ||

ಪುಕ್ಸಟೆ ತರೋದಿಲ್ಲ ನನ್ನಾಣೆ

ತಲೆ ಕೆಟ್ಟಿ ಅಗೋಯ್ತು ಹನ್ನೆರ್ಡಾಣೆ

ಚೌಕಾಸಿ ಮಾಡಿರುವೆ ಎಂಟಾಣೆ

ಬಿಡಿಗಾಸು ಕೊಟ್ಟಿರುವೆ ನಾಲ್ಕಾಣೆ

ನಂಬು ನನ್ನನ್ನ ನಿಜ ನಿನ್ನಾಣೆ ||

ಕಂಜುಸು ನಾನೇನೆ ಹಣಕಾಗಿ

ನೀತಿ ಬಿಡಲೊಲ್ಲೆ ಜಿಪುಣತನಕಾಗಿ

ಬಿಟ್ಟಿ ಮಾಡೊಲ್ಲ ಊಟಕಾಗಿ

ಉಚಿತವಾಗಿ ಪಡೆಯೊಲ್ಲ ಆತ್ಮಾಭಿಮಾನಕಾಗಿ

ಸಣ್ಣತನ ಮಾಡೋದಿಲ್ಲ ಸ್ವಾಭಿಮಾನಕಾಗಿ ||

ಬೇರೆಯವರೆದುರು ಬಾಗೋದಿಲ್ಲ

ನಂಬಿದವರ ಮಾನ ಕಳೆಯೋದಿಲ್ಲ

ಉಸಿರಾಟಕೆ ಸುಂಕ ನೀಡೋದಿಲ್ಲ

ನಂಬಿಕೆ ಬಿಟ್ಟು ಬಾಳೋದಿಲ್ಲ

ನಿನಗಾಗಿ ನಿಯತ್ತು ಬಿಡೋದಿಲ್ಲ ||

ಹೊಣೆಗಾರ್ತಿ ನಾನಲ್ಲ

ಗುಂಗುರು ಗುಂಗುರು

ಗುಂ ಗುಂ ಗುಂಗುರು

ಗುಂಗುರು ಕೂದಲು

ನೋಡೋಕೆ ಚಂದಾನೆ

ಹುಡುಗಿ ಎನ್ ಚಂದಾನೆ

ಗುಂಗುರು ಕೂದಲು ಸುತ್ತಿ ಆಡೊ

ಭಾಗ್ಯವು ಸಿಗಲಿ ನಂಗೇನೆ

ಎತ್ತೋ ಎಳನೀರು ಕುಡಿಯೊದಿಲ್ಲ

ಬಿತ್ತೊ ಬೀಜಕ್ಕೆ ಮೊಳಕೆಯಿಲ್ಲ

ಹರಿವ ಹೊಳೆಯಲ್ಲಿ ನೀರೇ ಇಲ್ಲ

ಆಡಬಹುದು ಬೇಲೆಯಲ್ಲಿ

ದಾಂಡ್ಚಂಡು ಆಟಾನ

ಜಂಬೆ ಹಣ್ಣಿನಂತ ಹೆಣ್ಣು ನಾನು

ನೆಲ್ಲಿಯಂತೆ ರುಚಿಯು ದೋಸ್ತಿ

ಹುಳಿಯ ಹಿಂಡೋದಿಲ್ಲ

ಹಾಲಿನಂತ ಸಂಸಾರದಲ್ಲಿ

ನಿಮ್ಮ ಸುಖಿಸೊ ಮೋಹದ ತಪ್ಪಿಗೆ

ಹೊಣೆಗಾರ್ತಿ ನಾನೆನಲ್ಲ

|| ನೀರು ಸವೆದಂತೆ ||

ನೀ ಕೊಡುವ ಪ್ರೀತಿಯನು ಮರೆಯಲಾರೆ, ನಿನ್ನ ಬಾಂಧವ್ಯವನು ತೊರೆಯಲಾರೆ, ನಿನ್ನಿಷ್ಟಕ್ಕೆ ತಡೆಯಾಗಲಾರೆ, ನಿನ್ನ ಖುಷಿಯೊಂದೆ ನನ್ನ ಗುರಿ ಎಂಬ ನಿನ್ನ ಮಾತಿಗೆ ಸೋಲದ ಗಂಡ ದಂಡ್ಪಿಂಡ ನಾನಾಗಲಾರೆ. ನೀ ಹಠ ಮಾಡಿದರೂ, ನಾ ಕೊಯ್ದರೂ, ನೀ ಹೇಗಿದ್ದರೂ ನೀ ನನಗೆ ಚಂದ.

ನನ ಪ್ರೀತಿ ಗಳಿಕೆ
ನಿನ ಏಕಾಂತ ಸೋರಿಕೆ
ಗೆಲುವಿನ ಹುಮ್ಮಸ್ಸು
ನಿನ ಒಲವಿನ ವರ್ಚಸ್ಸು
ನೀ ನೆಚ್ಚಿದ ಜೀವಕೆ ||

ನನ ಪ್ರೀತಿ ಸವೆಯುವ ನೀರಂತೆ
ಹನಿಯಾದರು ಹರಿಯುವುದು
ಬಿಸಿ ಶಾಖಕೆ ಒಣಗುವುದು
ಮಂಗಳನ ಬಿಂದುವಾಗದಿರಲಿ
ನಿನ ಪ್ರೀತಿ ಸಾವಿಲ್ಲದ ಸೃಷ್ಠಿಯಂತೆ ||

ಕಲ್ಬಜ್ಜು ತೋಕುವ ಹಠ
ಕೊಯ್ದರು ಕೇಳುವ ಪಾಠ
ನಾನೆಲ್ಲಿ ಕಳೆದೋಗುವೆ
ನಿನ್ನಂದ ನೋಡುತಲಿ
ತಿಪ್ಪರ್ಲಾಗ ಹಾಕಿದರೂ ಬಿಡೆನು ನಿನ್ನನು ||

ಕನ್ನಡದ ಸಾಕು ಬೇಕು

ಕನ್ನಡಿಗರ ಉಳಿವಿಗೆ ಹೋರಾಟಗಳು ಬೇಡ ವಿಶಾಲ ಹೃದಯವೆ ಸಾಕು,
ಆದರೆ ಕನ್ನಡದ ಉಳಿವಿಗೆ ಸ್ವಾಭಿಮಾನದ ಜಾಗೃತಿಯು ಬೇಕು.