|| ಉಸಿರು ನಮಗೆ ||

ನೀ ಮೀಟಿದೆ ನನ್ನೆದೆಯ ತಂತಿಯ

ಹಾಡಲೆಂದು ಹೃದಯ ಗೀತೆಯ

ನಾಲ್ಕು ಕೋಣೆಯ ಗೋಡೆಯಲ್ಲು

ಅಳಿಸಲಾಗದ ನಿನ್ನ ಕುರುಹಿಗೆ

ರಾಗ ಹಾಕಲು ತಾಳ ತಪ್ಪಿತು

ಲಯವೆ ಇರದ ಬರಡು ಸ್ವರದಲಿ ||

ನಿನ್ನ ಸ್ಪರ್ಷವು ತಂಪು ನೀಡಲು

ಶ್ವಾಸ ನೀ ನನ್ನ ಚೇತನವಾಗಲು

ನಿನ್ನ ಆಶ್ರಯದಿಂದ ಮಾತನಾಡುವೆ

ನಾಡಿಮಿಡಿತವು ನಿಶಬ್ಧವಾದರೆ

ನಿನ್ನ ಒಲವಿನ ಕೊರತೆ ಕಾರಣ

ಪ್ರಾಣನಿಲ್ಲದು ನೀನು ಅಗಲಿದಾಕ್ಷಣ ||

ಬಾನಿನಲಿರಲಿ ಭುವಿಯಲಿರಲಿ 

ಜೀವ ಉಳಿಯಲು ನೀನು ಬೇಕು

ತ್ರಾಣವು ಬದುಕಿನ ಹೋರಾಟಕಾದರೆ

ಬದುಕ ಪಯಣಕೆ ನೀನೆ ಬೇಕು

ಬಳಲಿದ ಸಮಯದಿ ಆಯಾಸ ನೀಗಲು

ಬೀಸುವ ತಂಗಾಳಿಯೆ ಉಸಿರು ನಮಗೆ ||