|| ಶುಭಾಶಯ ||

ಆ ಚಂದಿರ ನಗುತ ಬಂದಿರಲು

ತಂಪು ಬೆಳದಿಂಗಳನು ತಂದಿರಲು

ನುಡಿವ ಮಾತುಗಳೆಲ್ಲ

ಮಣಿ ಮುತ್ತುಗಳು ಉದುರುವ ಹಾಗೆ

ನೀ ಬೆಳೆದು ನಿಂತಿಹೆ

ಆ ದಿನವು ಬಂದಿದೆ

ಎದೆ ತುಂಬಿ ಮಾಡುವೆನು

ಜನುಮ ದಿನದ ಶುಭಹಾರೈಕೆಯನು ||

ನೀ ನಡೆವ ದಾರಿಯಲಿ

ಮೆತ್ತನೆಯ ಹೂ ತುಂಬಿರಲಿ

ಮೊಣಚಾದ ಮುಳ್ಳುಗಳು

ಚುಚ್ಚುವುದ ಬಿಟ್ಟರಲಿ

ಅಣಿಯಾಗುವ ಕೆಲಸದಲಿ

ಶುಭ ಘಳಿಗೆ ನಿನದಾಗಲಿ

ಸಿಹಿ ಕಹಿ ಕ್ಷಣದಲಿ

ಅಪಜಯವು ಅಳಿದಿರಲಿ ||

ಹಾಲ್ನಗೆಯ ಮೊಗದಲಿ

ಕೋಗಿಲೆಯ ಗಾನದಲಿ

ಜಗದಲ್ಲಿ ನಿನ್ನ ಕುರುಹು

ತುಂಬುತ ಚಿಮ್ಮಿರಲು

ಪ್ರೀತಿವಿಶ್ವಾಸದಿಂದ ಸೆಳೆಯುತ

ಎಲ್ಲರ ಚಿತ್ತವನು ಕದ್ದಿರುವೆ

ಸರ್ವರು ಸಮಯೋಚಿತವಾಗಿ ಹರಸುವರು

ಹುಟ್ಟುಹಬ್ಬದ ಶುಭಾಶಯ ಮಾಡುವರು ||