|| ಮನದ ಮಿಡಿತ ||

ತೊರೆದು ಹೊರಗೆ ಬಂದ ಮೇಲೆ

ಮನವ ಉರಿಸಲು ಹೃದಯದ ಒಲೆ

ಹಳೆಯ ನೋವನು ಮರೆಸುತ

ಹೊಸ ಹಾವಳಿಯಲಿ ಬೆರೆಸುತ

ದೋಸೆಯಲಿ ತೂತು ಸಹಜ

ಬದುಕಿನಲಿ ಬವಣೆ ನೈಜ

ಎಂಬ ಸತ್ಯವ ಅರುಹುವುದು ||

ಸುಖದ ಸೀಮೆಯಲಿ ಬಾಳುವ

ಕನಸ ಕಾಣುತ ಕಂಪಿಸಿ

ಸಾಧನೆಯ ದಾರಿಯಲಿ ಸಾಗುವ

ಜೀವಿಗೊಂದು ಗುರಿಯನಿರಿಸಿ

ಅದನು ತಲುಪುವ ಕಿಚ್ಚನಿಟ್ಟು

ಶ್ರಮಿಸಿ ಬದುಕ ಸವೆಸಲು

ವಿಧಿಯು ಹಾಕುವ ಸವಾಲು ||

ಮುಂದಿನ ದಿನಗಳಲಿ ನೆಮ್ಮದಿಯನು

ಕಾಣುವ ಕಲ್ಪನೆಯಲಿ ಜೀವನವು

ಕಾರ್ಪಣ್ಯದ ಘಳಿಗೆಯನು ಗವಿದು

ಸಂತೋಷ ಸಂಪರ್ಕಿಸುವ ಸೊಗಡು

ಹಲವಾರು ಬಯಕೆ ಎದೆಯಲಿರಲು

ಸಫಲತೆಯ ಸಿದ್ಧಿಗಾಗಿ ಏಳಿಗೆಯನು

ಇಛ್ಛಿಸುವುದೇ ಮನದ ಮಿಡಿತವು ||