|| ಕಡಲ ತೀರದಲಿ ||

ಕಡಲ ತೀರದಲಿ ಮುಸ್ಸಂಜೆ ಘಳಿಗೆಯಲಿ    

ಭೊರ್ಗರೆಯುತಿರುವ ಕಡಲಲೆಗಳಲ್ಲಿ

ಕಾಗದದ ದೋಣಿಯನು ಬಿಡುವ ಮೋಜು ನಿನ್ನಲಿ

ಕೈಯ ಹಿಡಿದು ಎಳೆಯುವ ಗೌಜು ಎದೆಯಲಿ

ಹಾಗೆಂದು ನಿನ್ನ ಕೈಯ ಹಿಡಿದಿರುವೆ ಕಾಳಜಿಯಲಿ ||

ಮುಸ್ಸಂಜೆ ಮಬ್ಬಲ್ಲಿ ಮರಳ ಮೆಲೆ ಕೂತಿರಲು

ನನ್ನ ಇನಿಯ ಮಡಿಲಲ್ಲಿ ಮಲಗಿರಲು

ಆ ರವಿಯು ನಾಚಿ ಮುಳುಗುತಿಹನು

ನಮ್ಮ ಎಕಾಂತ ಗುರುತಿಸಿ ಹೊರಟಿಹನು

ಹೇಳೋಣ ಅವನಿಗೆ ಶುಭವಿದಾಯ

ಮರಳಿ ಬಾ ನಾಳೆಗೆ ಎನ್ನುವುದು ನಮ್ಮ ಕಾಯ ||

ಹಿತವಾದ ತಂಗಾಳಿ ತಂಪನ್ನು ತಂದಿರಲು 

ಹಕ್ಕಿಗಳ ಇಂಚರವು ಕಿವಿಯನ್ನು ತುಂಬಿರಲು

ನೀರಿನಲಿ ಆಡಲು ಜೊತೆಯಲ್ಲಿ ತೆರೆಗಳು

ಕುಂತಾಗ ನೀನಾಡೊ ಪಿಸು ಮಾತುಗಳು

ಆ ಸ್ವರ್ಗಕೆ ಕಿಚ್ಚು ಹಚ್ಚಲು ಇನ್ನೇನು ಬೇಕು

ಸಂಗಾತಿ ನೀನಾಗಿರಲು ಬದುಕೊಂದೆ ಸಾಕು ||

ನಿಶೆಯು ಬರುತಿಹುದು ಈ ಜಗವ ನೋಡಲು 

ದಿಬ್ಬಣದ ಹಾಗೆ ಕೂಗಿಹವು ನಾದದಲಿ ನಿಶಾಚರಗಳು

ಕಡಲ ಭೋರ್ಗರೆತ ಜೊರಯ್ತು ಶಶಿಯು ಮೇಲೇರುತಿರಲು

ಬವಣೆಯನು ಮರೆತು ಬೃಂದಾವನದ ಕಡೆ ಹೋಗೋಣ  

ತಿಳಿಯಾದ ವಾತಾವರಣದಲಿ ಕೂರಲು ಬೇಕೇನು ಬಿಂಕ ಬಿನ್ನಾಣ

ಪ್ರೇಮಿಗಳೊಡೆಯ ಬಂದಿಹನು ಬೆಳದಿಂಗಳ ಚೆಲ್ಲುತ ನಮ್ಮನ್ನು ಕಾಯಲು ||

|| ಭಾವ ಇಲ್ಲದಾಗ ||

ಭಾವ ಇಲ್ಲದ ಗೀತೆಯಲ್ಲಿ

ಭಾವ ಎಲ್ಲಿ ಹುಡುಕಲಿ

ಚಂದ್ರನಿಲ್ಲದ ಬಾನಿನಲ್ಲಿ

ಬೆಳದಿಂಗಳ ಹೇಗೆ ಕಾಣಲಿ

ಆಗದಂತಹ ಕೆಲಸ ಹೇಳಿ

ನನ್ನ ಅಳೆದು ತೂಗಿದೆ

ಹೃದಯದೂರಿನಲ್ಲಿ ನೆಲೆಸದೆ

ಹೋದೆ ನೀನು ಎಲ್ಲಿಗೆ ||

ನಿನ್ನ ಮೊಜಿನಾಟದಲ್ಲಿ

ಗೊಂಬೆಯಂತೆ ಕುಣಿದೆನು

ಸೂತ್ರ ಹರಿದ ಗೊಂಬೆಯಾಗಿ

ದಾರಿಪಾಲು ಆದೆನು

ಸೌದೆಯಂತೆ ಸುಟ್ಟುಹೊದೆ

ಸಕಲಕಾರ್ಯ ಸಿದ್ಧಿಗಾಗಿ

ಹೊಳೆಯಲ್ಲಿನ ಹೋಮವಾಯ್ತು

ನೆರವೇರಿದ ಕೆಲಸವು ||

ಸೂಜಿಮೊನೆಯ ಕೈಗಳಿಂದ

ನನ್ನ ದೇಹ ಸವರಿದೆ

ಹರಿವ ಎದೆಯ ರಕ್ತದಲ್ಲಿ

ನೀನು ಮಿಂದು ಮುಳುಗಿದೆ

ತೊಲಗಿಸಿದರೇನು ವರಿಸುವ ಮುನ್ನ

ಎಂದೆಂದು ನಗುತಿರು ನೋಡಲು ಚೆನ್ನ ||

|| ನಿನಗಾಗಿ ನಾನು ||

 

ಯಾಕೊ ಏನೊ ಕಣ್ಣಲ್ಲಿ ಇಂದು

ಕಂಬನಿಯೊಂದು ಹೊರಗೆಬಂದು

ಹೃದಯದ ನೋವನ್ನು ಬಳಿದು

ನಿನಗಾಗಿ ನಾನೆಂಬ

ಭಾವನೆಯಲಿ ಮನಮಿಂದು

ಮನದೊಡೆಯನ ಕಾಯುತಿದೆ ಸಿಗುವನೆಂದು ||    

ನಾ ತುಡಿವುದು ನಿನಗಾಗಿ

ನಾ ಮಿಡಿವುದು ನಿನಗಾಗಿ

ನೀ ನನ್ನ ವಶವಾಗಬೇಕೆಂಬ 

ಆಸೆಯು ಮಾತ್ರ ನನಗಾಗಿ

ಬೇರೆನು ನಾ ಬೇಡೆನು

ನಿನ್ನಂದ ದೂರಾಗಿ ನಾ ಬಾಳೆನು||

ಜಗದಲ್ಲಿ ಯಾರೆಲ್ಲ ಏನೆಂದರೇನು

ನೋವಾಗುವುದು ನೀ ದೂರದರೆ

ನನಗಿಂತಲೂ ಜಾಸ್ತಿ ಪ್ರೀತಿಸುವವರು

ಈ ಭೂಮಿಯಲಿ ಸಿಗುವರೆನು

ನಿನ ಖುಷಿಯನು ಬಯಸುತ

ಚಿಂತೆಯಲಿ ಬೆಸರಿಸುತಿಹೆನು ||

ನಿನಗಾಗಿ ನಾನು, ನನ ಉಸಿರು ನೀನು

ದೂರಾಗಿ ಹೊಗದಿರು ನನ್ನಗಲಿ ನೀನು

ನಿನ ಜೀವ ನಾನಾಗಬೇಕೆಂಬ ಆಸೆಯನು

ಹೊರಸೂಸುತ ಹರಿಸಲು ಎದೆಯ ಹೆಪ್ಪನ್ನು

ಧಾರೆಯಾಗಿ ಹನಿಗಳಾಯ್ತು ಕಣ್ಣಂಚಿನಲಿ ನೀರು ||

|| ಅಭಿಮಾನ ||

ನನ್ನ ಗಾನ ಕೇಳಲೆಂದು
ದೂರದಿಂದ ಬಂದಿರಿ
ಹಾಡ ಕೇಳಿ ನಿಮ್ಮ ಮನವ
ತಂಪಿನಲಿ ತೇಲಿಸಿ
ಹಾಡೊ ಮನಕೆ ನೋವು ಇಲ್ಲ
ಎಂದು ನೀವು ನಲಿಯಿರಿ
ನೋವನುಂಗಿ ಹಾಡಿ ಇಂದು
ನಿಮ್ಮ ಖುಷಿಯಲಿ ಮರೆವೆನು ||

ನನ್ನ ಬಾಳು ಸೊಗಸು ಎಂದು
ಮೊಜಿನಿಂದ ಮಾತೊಂದನಾಡಿ
ಅಸೂಯೆನೆಕೆ ಪದುವಿರಿ
ಜನಿಸಿದಾತ ನೋವು ಇರದೆ
ಬದುಕನೆಂದು ಜಗದಲಿ
ಧನವ ಕೇಳಲು ಅಂಜಿಕೆ
ಇರದೆ ಬದುಕಲು ಆಗದೆ
ಸೋತು ಸೋತು ಸುಣ್ಣವಾಗಿ
ಕವಳ ಬಯಸಿ ಬಂದೆ ನಾ ||

ಕಳೆದ ದಿನಗಳಿಂದ ನಾನು
ಆನಂದವೆಂಬ ಪದದಲಿ
ಕಾಣದ ಸಂತೋಷ ಕಾಣುತಿಹೆನು
ಬಾಳಿನಲೆಂದು ಅನುಭವಿಸಲಾಗದೆ
ನಿಮ್ಮ ಅಭಿಮಾನ ನನ್ನ ಜೇಬ ತುಂಬದೆ
ಅಭಿಮಾನಿಗಳೆಂಬ ಹೆಮ್ಮೆ ನನ್ನ ಮನವ ತುಂಬಿದೆ
ಬಾಳದೀಪವಾಗಲೆಂದು ನಿಮ್ಮ ಹರಕೆಯು
ಹಾಡುವೆನಿಂದು ಖುಷಿಯಲಿ ಬಹುಮಾನ ಬಯಸದೆ ||

|| ಆಭಾರಿ ||

ಅವಳೆ ನನ್ನ ಹುಡುಗಿ
ಕನಸಲಿ ಕಾಡೊ ಬೆಡಗಿ
ಮನಸನು ಸೇರುವ ಘಳಿಗೆ
ಅವಳೆನೆ ಬಂದಳು ಬಳಿಗೆ
ನಿನ್ನನು ಸೇರುವ ತವಕದಲಿ
ಉಳಿದ ಕೆಲೆಸವ ಮರೆತೆನು ಮನಸಿನಲಿ ||

ಜೀವನಧಾರೆ ನೀ ನಾಗಿ ಬಾರೆ
ಹರಿಸುವೆನು ಭಾಷ್ಪವನು
ನಿನ ಪಾದ ತೊಳೆಯಲು
ನನ ಅರಿತು ಬಾಳುವ ನೀನು
ಕೊನೆವರೆಗು ಜೊತೆಯಾಗು
ಜೀವನ ಜ್ಯೋತಿ ನಂದುವ ವರೆಗೂ ||

ಜಗದಲಿ ನೋವನು ಕಾಣದ ಜೀವವಿಲ್ಲ
ನಲಿವಿನಲಿ ನಲಿಯದೆ ಸಾಯುವುದಿಲ್ಲ
ಉರಿಯಲ್ಲಾ ಅಳಿವುದು ನಿನ್ನಿಂದ
ಖುಷಿಯಲಿ ಮರಣವು ಜಗದಿಂದ
ನಿನ ಹಿಂಬಾಲಿಸುವ ಕ್ಷಣದಲಿ
ಆಭಾರಿಯಾಗಿ ನೆನೆಯುವೆ ಕೆಲಸದ ನೆರಳಲಿ ||

|| ಉಸಿರಾಗಿ ಬಾ ||

ನನ್ನ ಉಸಿರಾಗು ಬಾರೆ
ಉಸಿರು ಹೊಗುವ ಸಮಯದಲಿ
ನೆರಳಾಗಿ ಇರುವೆ
ಬಿಸಿಲಲಿ ನೀ ನಿಂತ ಕ್ಷಣದಲಿ
ಸೂರಾಗಿ ಬರುವೆ
ನೆನೆಯದಂತೆ ಸುರಿವ ಸೋನೆಯಲಿ
ರಾಜನಾಗಿ ಬೆಂಗಾವಲಾಗುವೆ
ನೀ ಕೊಟ್ಟರೆ ಜಾಗವ ಮನಸಿನಲಿ ||

ಉತ್ತರದಲ್ಲಿ ದ್ರುವತಾರೆ
ಸ್ಥಿರವಾಗಿ ಮಿನುಗುವ ಹಾಗೆ
ನಿನ್ನ ಬಾಳಿಗೆ ಬೆಳಕಾಗಿ
ನಿಲ್ಲುವೆನೆಂದೂ ನಲುಗದೆ ಜೊತೆಯಾಗಿ
ಮೈಯ ಹಿಂಡಿ ಎಣ್ಣೆ ತೆಗೆದು
ಆರದಂತೆ ಉರಿಸುವೆ ನಂದಾದೀಪವನು
ಬೆಳಗುತ ನಿನ ಜೀವನ ||

ಕಾರ್ಮೊಡ ಕವಿದಿರಲು
ಮಳೆಹನಿಯ ಆಸೆ ಮೂಡುವುದು
ಬೆಳ್ಮುಗಿಲ ಕಾಣಲು
ಮೇಲೇರಿ ಕದಿಯುವ ಬಯಕೆಯಲಿ ಸೋಲುವೆನು
ನನ್ನ ಬಾಹು ಬಂಧನದಲಿ
ನೀ ಬಂಧಿಯಾಗಿರಲು
ಜಗವನ್ನೇ ಸೆಳೆಯುವೆನು ಆ ದೇವಕಣದಂತೆ ||

|| ಹೊಸ ಬಾಳು ||

ಹೊಸ ಬಾಳಿಗೆ ನೀ ಜೊತೆ ಯಾದೆ
ನವ ಜೀವನಕೆ ಉಲ್ಲಾಸ ತಂದೆ
ತಾಳಿಕಟ್ಟಲು ಈ ಬಂಧ
ಗಟ್ಟಿಯಾಯ್ತು ಜೋಡಿಗಳ ಅನುಬಂಧ
ನಲಿಯುತ ಎರಡು ಜೀವಗಳಿಲ್ಲಿ
ಬಂಧಿಯಾಯಿತು ಬಾಳನೌಕೆಯಲಿ  ||

ಅರಿಯದ ಜೀವಗಳಾದರೆನು
ಜೊತೆನಡೆಯಲು ಮಾಡುವ ನಾಂದಿಯನು
ಹಿರಿಯರು ಸೇರಿ ಹಾಕಲು ಬೆಸುಗೆಯನು
ಕೂಡಿ ಬಾಳುವರು ಇಡಿ ಜನ್ಮದಲಿ
ಅಕ್ಷತ ಹಾಕುತ ಹಾರೈಸುವರು
ಜೊತೆಸೇರುವ ಜೀವಗಳು ಚಿರವಾಗಲಿ ||

ಮದುವೆಯೆಂಬ ಸಮಾರಂಭದ ಮೂಲಕ
ನಂಟಾಗುವುದು ಎರಡು ಸಂಸಾರದ ನಡುವಲಿ
ಮೂರುಗಂಟಿನಲಿ ನೆಂಟರಾಗುವರು ಅರಿಯದ ಜೀವಗಳು
ಸಾಗಲಿ ಸಪ್ತಪದಿ ತುಳಿದ ಜೀವಿಗಳ ಪಯಣ ನಿರಂತರ
ಶುಭಸಮಯಕೆ ಬರುವರು ಖುಷಿಯಲಿ ಆಮಂತ್ರಿತರು
ಮನತುಂಬಿ ಹರಸುವರು ನಲಿಯಲೆಂದು ಹೊಸಬಾಳು ||