|| ಸನಿಹಕೊಂದು ಗೆಳತಿ ಬೇಕು ||

ದಿನಕಳೆದ ಹಾಗೆಯೇ ವಯಸೀಗ ಜಾರಿದೆ
ಸನಿಹಕೊಂದು ಗೆಳತಿ ಬೇಕು
ಎಂದು ಮನವು ಹಾಡಿದೆ..
ಮನಬಿಚ್ಚಿ ಹೇಳುವ ದಿನದಿಛ್ಛೆಯಂತೆಯೆ
ಒಲವಿನಿಂದ ಇನಿಯ ಎಂದು
ಪ್ರೀತಿ ನೀಡಬೇಕಿದೆ...||

ಸೂರ್ಯಕಾಂತಿಯಂಥ ಮೊಗವ
ನೋಡುವಾಗ ಹೃದಯದಲಿ
ಗುಡುಗಿನಂತೆ ಮಿಡಿತಗಳಿಂದು
ಕೇಳಬೇಕು ನಿಂತಲೆ...||

ಸೂಜಿಮೊನೆಯ ಕಣ್ಣುಗಳಿಂದ
ನನ್ನ ನೀನು ಸೆಳೆಯುವಾಗ
ಖುದ್ದು ನಾನು ಹೇಳಬೇಕು
ನಿನ್ನೇ ಪ್ರೀತಿಸುವೆ ಎಂದು...||

ಹುಚ್ಚು ಬಗೆಯ ಮೆಚ್ಚೊ ಸಂದೇಶ
ಕದ್ದು ಕಳಿಸು ರಾತ್ರಿಲಿ
ನಿದ್ರೆಯಲ್ಲೂ ನೆನೆಯುವಂತೆ
ಮುದ್ದು ಮುದ್ದು ಕನಸಲಿ...||