|| ನನ ಬಾಳ ನಾವಿಕ ||

ಭಾವಗಳ ರಂಗೋಲಿಯನು
ಮನದಂಗಳದಿ ಬಿಡಿಸಿಹೆನು
ರಂಗಾದ ನಿನ ನೆನಪಿನ
ಬಣ್ಣಗಳ ತುಂಬಿಹೆನು
ಎದೆಯ ಜೋಪಡಿಯ ಮೇಲೆ
ಮಣೆಯನು ಹಾಕಿ ಕಾದಿಹೆನು
ಕಳಶಾಭಿಷೇಕ ಮಾಡಿಸಲು
ಸಾಲಾಗಿ ನಿಂತಿಹರು ಮುತ್ತೈದೆಯರು
ನವಬದುಕ ಬಯಸಿಹೆನು ನಿನ್ನಿಂದ
ನೀನೆಂದು ಬರುವೆಯೊ ನನ ವರಿಸಲು ||

ಉರಿಜ್ವಾಲೆಯಂತೆ ಸುಡುತಿದೆ
ವಿರಹದ ಬೇಗೆಗಳು
ನೀ ಬಂದು ಆರಿಸು ಈ ಜ್ವಾಲೆಯ
ಹನಿಗಳ ಸುರಿಸಿ ತಂಪಾಗಿಸೆಯ
ನಿನ ಬದುಕಿನ ಪಯಣಕೆ
ದೋಣಿಯಾಗುವೆ ನಾ ತೇಲಿಸಲು
ಹೃದಯದಿ ಹುದುಗಿರುವ ಭಾವಗಳ
ಹಾಡಾಗಿ ನಾ ಹೇಗೆ ಹೇಳಲಿ
ಬಳಿಬಂದು ಅರಿ ನೀ ಒಲವನು
ದೋಣಿಯೇರಿ ನೀನಾಗು ನನ ಬಾಳ ನಾವಿಕ ||

|| ಹೊಸ ಬದುಕು ||

ಯಾವ ಕಾಮನಬಿಲ್ಲು ಕಂಡಿತು
ದೂರತೀರಕೆ ಜಾರಲು
ಎಲ್ಲ ಸುಂದರ ದೂರದಿಂದಲಿ
ಸನಿಹ ಸಾಗಲು ತಿಳಿವುದು ||

ಮುಳ್ಳು ಹಾಸಿಗೆ ಕಲ್ಲು ಮಂಚದಿ
ವಿಶ್ರಾಂತಿ ಪಡೆಯಲು ಆಗದು
ಬೇಕುಗಳಿಗೆ ಬೇಲಿ ಹಾಕಲು
ಬೇಡದಂತೆ ಬದುಕಲಾಗದು ||

ಕಾಣದೂರಿನ ಆಚೆಯೆಲ್ಲೊ
ಕವಿಯ ಕಲ್ಪನೆ ಮೀಟಿದೆ
ಹೊಳೆಯ ಸುಳಿಯಲಿ ಮೂಕವೇದನೆ
ತಿಳಿಯದಂತೆ ಕೇಳಿದೆ ||

ವಿಧಿವಶವಾಗಲು ನಿನ್ನ ಪ್ರಾಣವು
ಪರವಶವು ನಿನ್ನ ಈ ದೇಹವು
ನಿನ್ನದೆಲ್ಲವ ಬಿಟ್ಟು ಹೋಗಲು
ಹೊಸದು ಬದುಕಲಿ ಬಾಳಲು ||

|| ಧ್ಯಾನ ||

ಬರುವೆಯೇನು

ಭಾಗ್ಯ ನೀನು

ನನ್ನ ಹೃದಯದ ತುಡಿತಕೆ ||

ಯಾರು ಬೆಳೆದ

ಕುಸುಮ ನೀನು

ನನ್ನ ಎದೆಯ ಭಡಿತಕೆ ||

ಕೊಡುವೆಯೇನು

ಒಲವ ನೀನು

ನನ್ನ ಬದುಕಿನ ಸೆಳೆತಕೆ ||

ಬೇಡುತಿಹೆನು

ನಿನ್ನ ನಾನು

ನನ್ನ ಮನಸಿನ ಮಿಡಿತಕೆ ||

ಆಲಾಪಿಸುವೆನು

ನಿನ್ನ ಹೆಸರನು

ನನ್ನ ಉಸಿರಿನ ರಾಗಕೆ ||

ಆರಾಧಿಸುವೆನು

ನಿನ್ನ ನೆನಪನು

ನನ್ನ ಭಕ್ತಿಯ ಧ್ಯಾನಕೆ ||

|| ಪ್ರಾರ್ಥನೆ ||

ನಮಿಸುತ ಬೇಡುವೆ ತಾಯೆ

ಕೃಪೆಯನು ಬೀರುತ ಕಾಯೆ

ಕರುಣಿಸು ಕಲ್ಪನಾ ಶಕ್ತಿಯ

ಮುದ್ರಿಸಿ ಹೊಂದುವೆ ಮುಕ್ತಿಯ ||

 

ಲೋಕ ಬೆಳಗುವ ಸೂರ್ಯನಂತೆ

ನನ್ನ ಹರುಷ ಹರಡಲಿ

ಬರೆಯುತ ಬದುಕುವೆ ಮೂಗನಂತೆ

ಸ್ಷಷ್ಟ ಪದಗಳು ಹರಿಯಲಿ ||
 

ಅರಿವೆ ಜಗದ ಜ್ನಾನವ

ಬರೆವೆ ಮನದ ಭಾವವ

ಲೇಖನದಿ ಲೇಖಿಸುವೆ ಕಟುಸತ್ಯವ

ಯತ್ನಿಸುವೆ ಮಾಡಲುತ್ತಮ ಸಮಾಜವ ||

ಹರಸು ನನ್ನನು ತಾಯೆ ನೀನು

ಹೆದರದಂತೆ ಎದುರಿಸಿ ನಿಲ್ಲಲು

ಗೀಚಿದ ಪದಗಳು ಪದ್ಯವಾಗಲಿ

ವಾಣಿ ಶಾರದೆಗೆ ಶರಣಾಗಲಿ ||

|| ಏಕಾಂತ ||

ಯಾತಕೆ ಈ ಸಂಜೆಯಲಿ

ಏಕಾಂತವು ಕಾಡುತಿದೆ

ನನ್ನ ಮನವು ಬೇಸರಿಸುತ

ನಿನ್ನ ಸಾಂಗತ್ಯ ಬಯಸುತಿದೆ

ನಗುವಿಲ್ಲದೆ ಮಾತಿಲ್ಲದೆ

ವಿಬ್ರಾಂತದಲಿ ಈ ಜೀವ ಬಳಲುತಿದೆ ||

ಈ ಮಬ್ಬಿನ ತಿಳಿ ಬೆಳಕಲಿ

ಬಣ್ಣಗಳು ಹರಡುತಿದೆ ಕಿರಣದಲಿ

ಆಯಾಸವ ಹೊರಹಾಕಲು ನಲಿದಾಡುತ

ಕೈ ಹಿಡಿದು ಜೊತೆಯಾಗಿವೆ ಜೋಡಿ ಜೀವಗಳು

ಶಬ್ಧಗಳು ಮರೆಯಾಗುತ ಸ್ತಬ್ಧವಾಗುತಿಹುದು

ಮೌನವಾವರಿಸುತಿಹುದು ನೀನಿಲ್ಲದ ಏಕಾಂತದಲಿ ||

|| ಚಿವುಟಿದ ಮನಸು ||

ಜಗವ ಬೆಳಗಲು

ಚಂದ್ರ ಬಂದರು

ಗ್ರಹಣ ಬಿಡದು ಹಿಡಿಯದೆ

ನಿನ್ನ ಮೋಹದಲಿ

ನಾನು ಮಿಂದಿರಲು

ಉಳಿಸು ನನ್ನನು ಕ್ಷೇಮದಿ ||

ಬಳಸಿ ಬಳಲಿಹೆ

ನಿನ್ನ ಒಲವಲಿ

ನನ್ನ ಮನದಲಿ ಚಳುವಳಿ

ಸಿಹಿಯ ನೀರಲಿ

ಕಲ್ಲ ಎಸೆಯುತ

ಮಜವ ನೋಡುತಿಹೆ ಖುಷಿಯಲಿ ||

ಸೂರ್ಯ ಬೆಳಗಲು

ತಾರೆ ಮರೆಯಾಗಲು

ಪ್ರಜ್ವಲತೆಯ ಪ್ರಶ್ನೆ ಮೂಡುವುದು

ಚಿವುಟಿದ ಮನಸು ನನ್ನದು

ನಗುವಿನ ಹರುಷ ನಿನ್ನದು

ತಿಳಿಯದಾಯ್ತು ಶುದ್ಧವಾದ ಪ್ರೀತಿಯು ||

|| ಗಾಲಿಯಾಗಲೆ ನಾ ||

ಸುರಿವ ಜೇನದು 

ನಿನ್ನ ಮೊಗದಲಿ

ಹೂವಿನಂತೆ ನಗುತಿರೆ

ನಿನ್ನ ನೋಟವು

ಚಿತ್ತ ಕದ್ದಿರಲು

ಮಧುರ ದನಿಯದು

ಕಿವಿಯಲಿ ಗುನುಗುತ

ಗಾಢವಾದ ಪ್ರೀತಿ ಬಂಧಿಸಿದೆ ನನ್ನನು ||

ನಾ ನುಡಿಯೆನು

ನೀ ನನ್ನ ಉಸಿರು ಎಂದು

ನಾಳೆ ಈ ಉಸಿರು ನಿಲ್ಲುವುದು

ನಾ ಸಹಿಸೆನು ನೀ ದೂರಗುವುದೆಂದು

ಕೂಗಿ ಹೇಳುವೆನು

ನೀ ನನ್ನ ಹೆಸರು ಎಂದು

ಒಳ್ಳೊಳ್ಳೆ ಕೆಲಸ ಮಾಡುವೆನು

ನನ್ನ ಹೆಸರು ಚಿರಕಾಲ ಉಳಿಯಲೆಂದು ||

ಉಸಿರು ಜೀವ ನೀ ನೀಡಿದೆ

ಎಲ್ಲ ಕೊಡುತಲಿ ನನ್ನ ಬದುಕಿಸಿದೆ

ಜಿಗುಪ್ಸೆ ಬಂದ ಜೀವನದಲಿ

ಆಸಕ್ತಿ ಮೂಡುವಂತೆ ಮಾಡಿದೆ

ಚಿತ್ತ ಸೆಳೆಯುವ ಕಾರ್ಯ ಮಾಡುವೆ

ಬದುಕಿಗೆ ಸ್ಪೂರ್ತಿ ನೀನೆಂದು ಹಾಡುವೆ

ನಿರಾಕರಿಸುವೆ ನಾ ಕಳೆದುಕೊಳ್ಳಲು

ಗಾಲಿಯಾಗಲೆ ನಾ ಸಂಸಾರ ನೆಡೆಸಲು ||