ನೀ ಬಾ ಉತ್ತರಿಸಲು

ಧೋ ಎಂದು ಸುರಿವ ಮಳೆಯಲಿ
ಜಾರಿ ಬೀಳಬಹುದೇ ನನ್ನವಳ ಒಲವು?
ತುಂಬಿ ತುಳುಕೊ ಹರಿವ ಹೊಳೆಯಲಿ
ತೇಲಿ ಬರಬಹುದೇ ಮನದನ್ನೆ ಪ್ರೇಮವು?
ನೆಗೆದು ಹಾರಲು ರಸ್ತೆ ಸುತ್ತ ಗುಂಡಿಗಳಲಿ
ಎಗರಿ ಸಿಗಬಹುದೇ ಪ್ರೀತಿಯ ಚಿಗುರು?

ಕೊರೆವ ಚಳಿಯಲಿ ಉಣ್ಣೆಯಂತೆ
ಬೆಚ್ಚನೆಯ ರಗ್ಗು ನೀನಾಗುವೆಯಾ?
ರಭಸದ ನೆಗಸಿನಲ್ಲಿ ತಡೆಗೋಡೆಯಂತೆ
ಅಡ್ಡಗಟ್ಟುಲು ಎದುರಿಸಿ ನಿಲ್ಲುವೆಯಾ?
ಸುಡುವ ಬಿಸಿಲಿನಲಿ ನೆರಳಿನಂತೆ
ತಂಪನೆಯ ಮನೆಯಾಗಿ ಬರುವೆಯಾ?

ಆತುರವು ಉತ್ಸುಕದ ಬಾಳಿನಲಿ
ಕಾಡಿರಲು ಹಲವಾರು ಪ್ರಶ್ನೆಗಳು
ಬಳಿ ಕರೆಯುವ ಕೂಗಿನ ಪರಿ
ಕೇಳದ ನೂರಾರು ಪ್ರಶ್ನಾರ್ಥಕಗಳು
ಎರಗಲು ಕಣಿವೆಯಲಿ ನೀರಿಲ್ಲ
ಒರಗಲು ಜೊತೆಯಲಿ ನೀನಿಲ್ಲ

ಕೇಳಿಸದು ದಮನಿಯ ದನಿ
ಬಳಿಯಿರಲು ಹಿಡಿದಿಡುವ ಇನಿ
ಆಗುವೆಯಾ ಜನುಮದ ಗೆಳತಿ?
ಸಾಕು ಜನ್ಮಕ್ಕೆ ಒಬ್ಬಳೇ ಒಡತಿ
ಉಳಿದೋಗಿವೆ ಹಲವಾರು ಒಗಟು
ನೀ ಬಾ ಉತ್ತರಿಸಲು ದೃಡಪಡಿಸುತ