ನೆರಳಿನ ಕನಸು

ನೆನಪೆಂಬ ದೀವಿಗೆಯಲಿ
ನೆನೆದ ಸಂಗತಿಯಲಿ
ನಾನಾರೆಂದು ಹುಡುಕಲಿ
ಬದುಕಿನ ವಾಸ್ತವದಲಿ

ಬರಿದಾಯ್ತು ಕಲ್ಪನೆ
ಸವಿಗನಸ ಕಾಣಲು
ಉತ್ತುಂಗದ ಶಿಖರವೇರಲು
ಸೂಕ್ಷ್ಮತೆಯ ನಿದ್ರೆಯಲಿ

ನಾನರಿಯೆ ಒಡನಾಡಿಗಳನು
ಹಿತವರಾರೆಂಬ ತೊಳಲಾಟವನು
ತೋರಿಸಲು ಒಲವಿನ ಪ್ರೀತಿಯನು
ಹೇಗೆ ಗುರುತಿಸಲಿ ನನ್ನಾಪ್ತರನು?

ನಂಬಿಕೆಯಲಿ ಹೊಲಿದಿದೆ ಸಂಬಂಧ
ಬೆಸೆದಿರುವ ಬಾಳಿನಲಿ ಅನುಬಂಧ
ವಿಶ್ವಾಸದಲಿ ನಡೆಯುವುದು ಬಾಳು
ಭರವಸೆಯೇ ಬತ್ತಿದಾಗ ನೋವು

ಅಂದುಕೊಂಡ ಬಾಂಧವ್ಯ ಹುಸಿಯಾಗಲು
ಬಯಸಿದ ರೀತಿಯಲಿ ಒಲವು ಸಿಗದಿರಲು
ಅವಹೇಳನ ಮಾಡುತ ತುಚ್ಛವಾಗಿ ನೋಡಲು
ನಿರೀಕ್ಷೆಯಾಗುವುದು ನೆರಳು ಕನಸ ಕಂಡಂತೆ