ಬಹುನಿರೀಕ್ಷಣೆ

ಚೂರೇ ಚೂರು
ಬೆಳಕು ಬೇಕು
ಬದುಕು ಈಗ ಬೆಳಗಲು
ಮಿಂಚು ಹುಳುವಿನ
ಬೆಳಕಾದರೂ ಸಾಕು
ಬಾಳು ಎಂದೂ ಮಿನುಗಲು

ಹರಿವ ನದಿಯ ತೀರದಲ್ಲಿ
ಬರಡು ಭೂಮಿಯ ಹಾಗಿದೆ
ಘಾಸಿಯಾದ ಈ ಮನವು
ಮೇಘ ಹುಡುಕುವ ವೇಳೆ
ನೀಲ ಆಗಸ ಅರಸಿದಂತೆ

ಖಾಲಿ ಮರಳುಗಾಡಿನಲ್ಲಿ
ಮೋಡ ಕವಿದ ಹಾಗಿದೆ
ಭರವಸೆಯ ಇಣುಕು ನೋಟ
ಗುಡುಗು ಮಿಂಚಿನ
ಹಿಂದ ಮಳೆ ನಿರೀಕ್ಷಸಿದಂತೆ

ಸೂತ್ರ ಹರಿದ ಬುಗುರಿಯಾಗು
ಮನಬಂದ ಹಾಗೆ ತಿರುಗಲು
ಕೋಪ ತೊರೆದು ಯೋಚಿಸು
ಒಳಿತ ನೆನೆದು ಮೃದುವಾಗಿ
ನೋಡು ನಿನ್ನೊಳಗಿನ ಅಂದವ