|| ಹುಣ್ಣಿಮೆ ರಾತ್ರಿಯುಲಿ ತಂಗಾಳಿ ತಂಪನಲಿ ||

ತಂಗಾಳಿಯು ಬೀಸುತ ತಂದಿದೆ

ಕಾಮನೆಯನು ನಿನ ಸೇರುವ ಹರುಷದಲಿ

ಹುಣ್ಣಿಮೆ ರಾತ್ರಿಯು ತುಂಬಿದೆ

ಕಾಂತಿಯನು ಬೆಳದಿಂಗಳ ತಂಪಿನಲಿ

ಈ ಜಗವು ಕಾಣುತಿದೆ

ಗೋಲಿಯಂತೆ ಭಾವನೆಯ ನೋಟದಲಿ ||

ಬಳಿಯಿರಲು ಪ್ರತಿ ಕ್ಷಣದಲೂ

ಸುಳಿಯದು ನೋವಿನ ಕರಿ ಛಾಯೆಯು

ಮಂಜಿನ ಬೆವರ ಹನಿ ಸೋಕಲು

ತುಸುವಾದರೂ ಮಿತಿ ಮೀರುವಾಸೆಯು

ಮಡಿಲಲ್ಲಿ ಮಲಗುತ ಮಗುವಾಗುವೆ

ಪರಿಸರದಲಿ ಪಸರಿಸುತಿರಲು ನಿನ ಹವೆಯು ||

ಈ ತಂಪಲಿ ನಿನ ಕಂಪಲಿ

ಮಿನುಗುವ ಆಭರಣದ ತಿರುಳಂತೆ

ಹೊಳಪಿನ ಆ ತಾರೆಯು

ಗೊಚರಿಸುತ ಆಕಷಿಸುತಿದೆ ವಿಲೋಚನವನು

ನಿನ ಸನಿಹವ ನನಗಿರಿಸು

ಧನ್ಯತೆಯ ಭಾವದಲಿ ನಾ ಮೀಯಲು ||