ಗೋ ಜೀವನ

ಅಂಬಾ ಎಂಬ ಕೂಗ ಕೇಳಿ

ಅಮ್ಮಾ ಜನಿಸಿಹಳು

ಜನಿತ ಮಗುವಿನ ಮೊದಲ ಶಬ್ದವೇ

ಉಂಙೆ ಆಗಿಹುದು

ಕಂದಾ ಸಾಗುವ ಮೊದಲ ಚಲನೆಗೆ

ಅಂಬೆಗಾಲೆನ್ನುವರು

ಮಗುವಿಗೆ ಕಲಿಸುವ ಮೊದಲ ನೀತಿಯೆ

ಪುಣ್ಯಕೋಟಿಯಾಗಿಹುದು

ಜನಿತ ಕಂದಗೆ ನೀಡುವ ಹಾಲಿಗೆ

ಗೋವೆ ಬೇಕಿಹುದು

ಮಗುವಿನ ಪ್ರೀತಿಗೆ ಮೊದಲ ಪ್ರಾಣಿಯೇ

ಅಂಬಚ್ಚಿಯಾಗಿಹುದು

ಮನೆಯ ಸ್ವಚ್ಚತೆ ಮನದ ಶುದ್ಧತೆ

ಗೋಮಯ ಗೋಮೂತ್ರವಾಗಿಹುದು

ತೋಟಕೆ ಸಿಗುವ ಫಲವತ್ತತೆಯು

ಸಾವಯವ ಗೊಬ್ಬರವಾಗಿಹುದು

ಬೆಳೆವ ಮಗುವು ಪಡೆಯುವ ಫಲಗಳು

ಗೋವಿನ ಕೃಪೆಯಾಗಿರುವುದು

ಮುದಿ ಗೋವನು ಹೊಡೆಯುವ  ಮಾನವ

ಕಟುಕನ ಮನೆ ಕಡೆಗಾಗಿವುದು

ಪಡೆಯುವುದೊಂದೆ ಮನುಜನ ಮೂಲ

ನಿರ್ದಯಿಯಾಗಿರಲು

ಉಳಿದವರೆಲ್ಲಾ ಹಸುವನು ಸಾಕಬೇಕು

ತಾನೊಬ್ಬ ಸ್ವಾರ್ಥಿಯಾಗಿರಲು

ದುಡ್ಡನು ನೀಡುವೆ ದನಿಯನು ಎತ್ತುವೆ

ಶಾಲನು ಹೊದೆಯುವ ತೋರಿಕೆಗೆ

ಮಾತಲೇ ಮಡಿಯನು ಧರಿಸುವ ಜನರು

ಗೋನಾಶಕೆ ನಾಂದಿ ಹಾಡಿಹರು

ಶ್ರಮಿಸೇ ಮೇಲಕೇರು

ತೆರೆದ ಬಾವ ಭಕುತಿಯಲ್ಲಿ

ನುಡಿಯೆ ಅದರ ಖ್ಯಾತಿಯ

ಜನಿಪನಾವ ಧರಣಿಯಲ್ಲಿ

ಶ್ರಮಿಸೇ ಮೇಲಕೇರುವ

ಬಗರಿಯಾಟ ಬದುಕಿನಲ್ಲಿ

ತಿರುಗಿ ಸೇರಿ ನಿಲ್ಲಲು

ಗೋಲ ಭೂಮಿಯ ವೃತ್ತದಲ್ಲಿ

ಬಿಟ್ಟ ಜಾಗ ತಲುಪಲು

ಸತ್ತ ಮನಸಿನ‌ ಸುತ್ತಲಲ್ಲಿ

ಭಾರಿ ಬಯಕೆಯು ಉಳಿವುದೇ?

ಸೋತ ಕನಸಿನ ವ್ಯಥೆಗಳಲ್ಲಿ

ಕೊನೆಯಿದೆಂದು ಲೆಕ್ಕವೇ?

ನುಡಿವ ಭಕ್ತಿ ಶೋಕಿಗಾಯ್ತು

ಬಗರಿಯಾಟ ಬದುಕಿಗಾಯ್ತು

ಸತ್ತ ಮನಸಿಗಿಲ್ಲ ಬಯಕೆಯು

ಬಂದು ಹೋಗಲು ಲೆಕ್ಕ ಚುಕ್ತವು

ಕಾಡುವ ಮನಸು

ಪದೆ ಪದೆ ನನ್ನ ಕಾಡುವ ಮನಸೆ

ಏಕೆ ಹೀಗೆ ಸತಾಯಿಸುವೆ?

ಎತ್ತರ ನೋಡಿ ಹತ್ತುವ ಹಂಬಲ

ಬೀಳುವ ಯೋಚನೆ ಮರೆಯುವೆಯೇ?

ನೋವು ನಲಿವಿನ ಮಜಲಿಗೆ ಕಾರಣ

ಕೈಗೆಟುಕದ ಹಸಿವಿನ ಧಾರಣ

ಪ್ರೀತಿ ಹಂಚಿಕೆ ಏಳಿಗೆ ಹೂರಣ

ದ್ವೇಷ ಅಸೂಯೆ ಬದುಕಿಗೆ ಮಾರಣ

ಏಳು ಬೀಳಿನ ಏರಿಳಿತದಲಿ

ಕಪ್ಪು ಬಿಳಿಪಿನ ಚಲನಚಿತ್ರವು

ಸೋಲು ಗೆಲುವಿನ ಹೋರಾಟದಲಿ

ಸಮ ಚಿತ್ತವೆ ನಿದರ್ಶನವಾಗಲಿ

ದಾರಿ ಹೋಕರು ಜಗದ ಪುಟದಲಿ

ಬಾಗಿ ನಿಂತಿರುವ ಬಿಕ್ಷುಕರೆಲ್ಲರು

ಊರ ನಡುವಿನ ವೇದಿಕೆ ಮೇಲೆ

ಅನ್ಯರ ನಗಿಸುವ ನಟರುಗೆಳೆಲ್ಲರು

ಮತ್ತೆ ಬಾ ಪುನೀತನಾಗಿ

ದೇವರ ಪಾತ್ರವ ಮಾಡುತನೀತ

ದೇವರ ಕಡೆಗೆ ಸಾಗಿದನು

ಹಲವರ ಬಾಳಿನ ದೇವರೇ ಇವನು

ಕಣ್ಣಿಗೆ ಕಾಣದೆ ಚಲಿಸಿದನು

ಹುಟ್ಟಿದ ದಿನವನು ಹಬ್ಬವ ಮಾಡುತ

ಖುಷಿಯಲಿ ಕುಣಿಯುತ ರಂಜಿಸಿದ

ಗಾನಕೆ ನೀಡುತ ದನಿಯಲಿ ಹಾಡುತ

ಕೇಳುವ ಕಿವಿಗಳಿಗ್ ತಂಪೆರೆದ

ದೇಹವ ದಣಿಸುತ ಯೋಗವ ಮಾಡುತ

ವೃದ್ಧರನ್ನೆಲ್ಲಾ ಪಾಲಿಸಿದ

ಗೋವನು ಸಲಹುತ ಗೋವಿಂದನಾಗುತ

ದೀನ ಮಕ್ಕಳ ಸಲುಹಿದನು

ಕಲಿಕೆಗೆ ಒತ್ತನು ನೀಡುತ ಕಲಿಸುತ

ಅಕ್ಷರ ದಾಸೋಹಿ ಆಗಿಹನು

ಕಲಿಯುವ ಮಕ್ಕಳ ಬೆನ್ನನು ತಟ್ಟುತ

ಹೃದಯವಂತಿಗೆ ತುಂಬಿಹನು

ಇಲ್ಲಿ ಸಲ್ಲುವನು ಅಲ್ಲು ಸಲ್ಲುವನೆಂಬ

ಬಸವನ ಮಾತದು ಸತ್ಯವಾಗಿಹುದು

ಹೇಳದೆ ಕೇಳದೆ ಪೊರೆಯುವ ದೇವನಂತೆ

ನುಡಿಯದೆ ಸಲುಹಿದ ಹಲವರನು

ನಟನೆಯ ಮೂಲಕ ಗಾನದಿ ಸೆಳೆಯುತ

ಅಭಿಮಾನಿ ದೇವರ ಗಳಿಸಿದನು

ಹೊಸಬರ ಏಳಿಗೆ ಬಯಸುತ ರಂಗದಿ

ಸ್ನೇಹದಿಯೆಲ್ಲರ ಬೆಂಬಲಿಸಿದನು

ದೊಡ್ಮನೆ ಹಿರಿಮೆಯ ಸಾರುತ ಧರೆಯಲಿ

ಬೇಕಾದ ಹೊತ್ತಲೇ ಕಣ್ಮರೆಯಾಗಿಹನು

ಕೇವಲ ಕಣ್ಣಿಗೆ ಮಾತ್ರವೆ ಕಾಣದೆ 

ದೇವರೇ ತಾನೆಂದು ತಿಳಸಿದನು

ಮರಳಿಬಾರದೂರಿಗೆ ಸಾಗಲು ಭೌತಿಕವಾಗಿ

ಎಲ್ಲರ ಧ್ಯಾನದಿಂದ ಪುನೀತನಾದನು 

ಹಲವರನ್ನೆಲ್ಲಾ ಅನಾಥರ ಮಾಡುತ

ಚಿರಶಾಂತಿ ಸಿಗುವೆಡೆಗೆ ಕ್ರಮಿಸಿಹನು

ಗುರಿ ಮುಟ್ಟುವ ತನಕ,

ವಿಚಾರಿ

ಕಂಡ ಸ್ವಪ್ನ

ಅಂದು ಕಂಡ ಸ್ವಪ್ನದಿ
ಕಣ್ಣೆದುರು ಬಂದ ರೀತಿಲಿ
ಕೈಗೆ ಸಿಗದ ದುಂಬಿ ನೀನೆ
ಹಾರಿ ಹೋದ ಮರೀಚಿಕೆ

ಭಾವ ಮೋಹ ಅರಳಲು
ಪ್ರೀತಿ ಪ್ರೇಮ ಬದನೆಯು
ನೀತಿ ನಿಯಮ ಮೀರಲು
ಸಲುಗೆ ದಾಟಿ ಹೋಗಲು
ನೀನೆ ನನ್ನ ಬದುಕಲಿ ಕಾಡುವಂತ ದೇವತೆ
ಬಳಿಗೆ ಬಂದು ಕಣ್ಣ ತೆರೆಯೆ ಉಳಿಯಲು

ಭಾರತ ಮಾತಾ ಕೀ ಜೈ for Sharan

ನಾವು ಒಂದೇ
ನಾವು ಎಲ್ಲಾ ಒಂದೇ
ಇಂದು ಮುಂದು ಎಂದು
ಭಾವೈಕ್ಯದಲಿ ಸದಾ ಬಂಧು
ಮೈ ಮುರಿದು ನಡೆ
ಕೈ ಮುಗಿದು ಕೂಗು
ಜಾತಿ ಮತಗಳ ಮರೆ
ದನಿಯೆತ್ತಿ ಘೋಷಿಸು
ನಮ್ಮ ತಾಯಿ ಭಾರತಿ
ವಿಶ್ವಕ್ಕೊಬ್ಬಳೇ ಭಾರತಿ
ವಿಶ್ವ ಗುರುವೇ ಭಾರತಿ
ಹಿಂಬಾಲಿಸು ನಮ್ಮ ಸಂಸ್ಕೃತಿ
ಮುಗಿಲು ಕರಗುವಂತೆ ಕೂಗಿರಿ
ಭಾರತ ಮಾತಾ ಕೀ ಜೈ

ಯುದ್ಧದ ಕರಾಳ ನೆರಳನು
ಮುಕುಟದಲಿ ಮರೆಯಾಗಿಸಿ
ತನ್ನ ಮಕ್ಕಳ ರಕ್ಷಿಸಿ
ಬಹುಬಗೆಯ ಸಂಸ್ಕಾರಗಳನು
ಸಂಸ್ಕರಿಸಿ ಮೆರೆಯುವ ಸಾಂಗತ್ಯವು
ವಿವಿಧ ಮತಗಳಿಂದಾಚೆ ಕರೆದು
ತನ್ನ ಧ್ಯಾನದ ಅರಿವು ಮೂಡಿಸಲಿ
ಕಂಠಾ ಘೋಷವಾಗಿ ಕೂಗಿರಿ
ಭಾರತ ಮಾತಾ ಕೀ ಜೈ
ಬೋಲೊ ಭಾರತ ಮಾತಾ ಕೀ ಜೈ

ತಲೆಯ ಸುತ್ತಲು
ದುರುಳರ ಆಟವು
ಹೊಟ್ಟೆಯೊಳಗಡೆ
ಮತಾಂಧರ ಮಾಟವು
ಬೆನ್ನ ತಿವಿಯುವ ಮಾರರು
ಕಾಲ ಎಳೆಯುವ ಒಲಸಿಗರು
ಅದೆಷ್ಟೇ ಜನರು ದಾಳಿಗೈದರು
ಅವರೆಲ್ಲರ ಪೊರೆದು ಸಲಹಲು
ಪ್ರೀತಿಯಿಂದ ಪ್ರಾರ್ಥಿಸಿ ಹಗಲಿರುಳಲೂ
ಭಾರತ ಮಾತಾ ಕೀ ಜೈ
ಹೇಳಿ ಭಾರತ ಮಾತಾ ಕೀ ಜೈ

ಜಯದ ಮೆಟ್ಟಿಲು
ದಾಳಿ ಕೋರರ ಒಡಲು
ಸೆಳೆವ ಸಂಸ್ಕೃತಿ
ಹಿಂಬಾಲಕರೆ ಮಡಿಲು
ಜಗವೇ ಒಪ್ಪುವ ಯೋಗ
ನೀನೇ ಅಪ್ಪುವ ಭೋಗ
ಕಡಲ ಕುಮಾರಿಗೆ ಹಿಮದ ಶಿರ
ತುಂಡಾದ ಒಡಲು ಎಡಬಲದಲಿ
ಪಿತೂರಿ ಗಂಚಾಲಿಗಳ ಬಾಯಲ್ಲೂ ಸ್ಪುಟಿಸಲಿ
ಭಾರತ ಮಾತಾ ಕೀ ಜೈ
ಹೇಳಿ ಭಾರತ ಮಾತಾ ಕೀ ಜೈ

ಮೌನದರಮನೆಯ ರಾಣಿ

ಕಣ್ಣಲ್ಲಿ ಒಂದು
ಪ್ರತಿಬಿಂಬ ಮೂಡಿಹುದು
ನನ್ನೆದುರು ಬಂದಂತೆ
ಪ್ರತಿ ಕ್ಷಣವೂ ಸಹ....

ಮನಸಲ್ಲಿ ಒಂದು
ಪ್ರತಿಮೆಯನು ಕೆತ್ತಿಹೆನು
ಕಲ್ಪನೆಗೆ ಕಂಡಂತೆ
ಪ್ರತಿ ಕಣವೂ ಸಹ....

ಬಾಕಿಯೇನು ಉಳಿದಿಲ್ಲ
ನಲ್ಲನೆಂದು ಕರೆದಿಲ್ಲ
ನಾಚಿಕೆಯು ಮನೆ ಮಾಡಿ
ಆಗಿಹೆನು ಮೌನದರಮನೆಯ ರಾಣಿ
ಬಂದು ನೀ ಬಿಡಿಸುವೆಯಾ ಕನ್ಯಾ ಸೆರೆ.....

ಶೋಕಿಯೇನು ಕಲಿತಿಲ್ಲ
ಲಗ್ನವೆಂದೋ ಗೊತ್ತಿಲ್ಲ
ಇನಿಯನಿಗೊಂದು ಗುಡಿ ಕಟ್ಟಿ
ಆಗುವೆನು ನಾನೆಂದು ಆರದ ದೀಪ
ಬೆಂದು ನಾ ಬೆಳಗುವೆನು ನಿನ್ನಾ ಮನೆ.....