ಬತ್ತಿ ಬದುಕು

ದೀಪ ನೀನು
ತೈಲ ನಾನು
ಬತ್ತಿಯಂತೆ ಬದುಕಿದು

ದೀಪ ಉರಿಯೆ
ತೈಲ ಸುರಿಯೆ
ಹಣತೆಯಂತೆ ಬಾಳಿದು

ತೈಲ ವಿರದ
ಬತ್ತಿ ವಿರಹಿಯು
ಬಹುಕಾಲ ಬೆಳಗದು

ಬದುಕು ಎಂದರೆ
ನಮ್ಮ ಸಂಗವು
ಸಾಮರಸ್ಯ ಸೊಗಸಿದು

ನೀನು ಮಿನುಗಲು
ನಾನು ಸವೆಯುವೆ
ಹೂವಿನ ಜೊತೆ
ದಾರದಂತೆ ಮುಡಿಗೇರುವೆ

ನಾವು ಬೆಳೆಯಲು
ನೋವು ಅಳಿಯಲು
ಬರೆದ ಕತೆ
ಅಳಿಯದಂತೆ ಶಿಲೆಯಾಗು

ಸೌಮ್ಯಾಂದ

ಅದೋ ನೋಡು
ನಾಗರ ಜಡೆಯವಳು
ಉದ್ದ ಲಂಗವ ಧರಿಸಿ
ಎತ್ತ ಹೊರಟಿಹಳೋ...

ಮುಡಿಯಲ್ಲಿ ಕಂಡ
ಮಲ್ಲಿಗೆ ಹೂವಿನ ಕಂಪು
ಮನದೊಳಗೆ ಗುಡಿ ಮಾಡಿ
ಮರುಳನಾಗಿಸಿಹುದು

ಹಣೆ ಅಗಲವಾಗಿಹುದು
ಸಿಂಧೂರ ನಗುತಿಹುದು
ಕಣ್ಣ ಮೇಲಿನ ಹುಬ್ಬು
ಕಣ್ಮನವ ಸೆಳೆದಿಹುದು

ಮುಖದಲ್ಲಿನ ಮುಗ್ಧತೆಯು
ಮನೆಯಲ್ಲಿ ನೆಲೆಸಿದರೆ
ಮನದೊಳಗೆ ನೆಮ್ಮದಿಯಿರಲು
ಮನ್ಮಥನ ಮಣಿಸಿವೆನು

ಸ್ಪಷ್ಟ ಸಂದೇಶ ಬರದಿರಲು
ಕಷ್ಟ ಕಾರ್ಪಣ್ಯ ಬದಿಗಿರಲು
ಕಾಣುವುದೇ ಅವಳಂದಕೆ
ನನ್ನ ಮನದ ಮನವಿ

ರೂಪದಲಿ ಲಕ್ಷ್ಮಿ ದೇವಿಯು
ನಡಿತೆಯಲಿ ಜಾನಕಿಯು
ರಾಗದಲಿ ಶಾರದೆಯು
ರೌದ್ರದಲಿ ಮಹಾದುರ್ಗಿಯು

ಇವಳೆ ಸಿಗಬಹುದೇ
ಬಾಳಿನಲಿ ಹೆಜ್ಜೆಯಿಡಲು
ಸೌಮ್ಯಾಂದಕೆ ಸೋತಿರಲು
ಬಯಕೆ ಬಲಿತಿಹುದು

ಎಲ್ಲೋ ಮಳೆ

ಎಲ್ಲೋ ಮಳೆಯು
ಇನ್ನೆಲ್ಲೋ ಹೊಳೆಯು
ಇದುವೆ ಜೀವನ ಗಾಥೆಯು
ಮಹಾ ಮಳೆಗೆ
ಉತ್ತರ ತತ್ತರ
ಮಲೆನಾಡ ಅಳಲಿಗೆ
ಕರಾವಳಿ ಕಂಪನ
ಎಲ್ಲಿಂದ ಎಲ್ಲಿಗೋ
ಪ್ರವಾಹದ ಬಂಧನ

ಗುರುತಿನ ಸೂಚಕ
ಮನುಜನ ಮುಖವಿದು
ಉತ್ತರ ಎತ್ತರ
ಗಮನವ ಸೆಳವುದು
ನೆರವಿನ ಆದ್ಯತೆ ಪಡೆವುದು

ಈಶಾನ್ಯ ಕಡಲಿನ ಕನ್ನಡ
ನರಳಿದೆ ತರತಮ ಧೋರಣೆಗೆ
ಸಿಗದು ಟಿ.ಆರ್.ಪಿ ಮಾಧ್ಯಮಕೆ
ರಾಜಕೀಯ ಲಾಭವಿಲ್ಲ ಪಕ್ಷಗಳಿಗೆ
ನಿರ್ಲಕ್ಷದ ಗೂಡಾಗಿದೆ ಕರಾವಳಿ

ಬೆಟ್ಟ ಗುಡ್ಡಗಳು ಎರಗಿದೆ
ರಾಜ್ಯ ಸರ್ಕಾರವು ಮಲಗಿದೆ
ಸುರಿದ ನೀರು ಹರಡಿ ತುಂಬಿದೆ
ರಸ್ತೆ ಇಕ್ಕೆಲಗಳು ಬಿರಿದಿದೆ
ಪ್ರಜೆಗಳ ಬದುಕಿದು ಸೊರಗಿದೆ

ಬಿಸಿಲು ಮಳೆ ಜೊತೆಯಾದಾಗ

ಮಂಗನ ಮದುವೆಯಾಗುವುದಂತೆ
ಮಳೆ ಬಿಸಿಲು ಜೊತೆಯಾದಾಗ
ಬದುಕಿನ ಗಾಲಿ ತಿರುಗುವುದಂತೆ
ನಮ್ಮಯ ಒಲವು ಬೆರೆತಾಗ
ಪ್ರೀತಿಯ ಪಯಣದ ದಾರಿಯಲಿ
ಮುನಿಸಿನ ತಡೆಯು ಸಹಜ ಬಿಡು
ಕನಸಿನ ಮಳಿಗೆಯು ತುಳುಕಿರಲು
ಹೃದಯಕೆ ತುಡಿತವು ತುಂಬ ದಡು

ಹರಿಯುವ ನೀರಿನ ತೇರಿನಲಿ
ಕಸ ಕಡ್ಡಿಯ ಕಥೆ ಅಳಿಯುವುದು
ಶುಭ್ರತೆ ನೆಲಸಿದ ನಾಡಿನಲಿ
ಧೂಳಿನ ಕಣ ಸಹ ಹಿರಿದಾಗುವುದು
ತುಚ್ಛತೆ ನೋಟವ ಮರೆಸುತಲಿ
ವೈಶಮ್ಯದ ಕೇಡನು ದೂರ ಇಡು
ಗೌಪ್ಯತೆ ಮಾತನು ಕೇಳುತಲಿ
ಗಂಭೀರತೆ ನಡೆಯಲಿ ಬೀಗಿ‌ ಬಿಡು

ಉದುರುವ ಎಲೆಗಳ ತುದಿಗಳಲಿ
ಮಳೆಹನಿ ನೀರಿದು ಬೀಳುವುದು
ಕಂಬನಿ ಭರಿತ ನಯನದಲಿ
ಎದುರಿಗೆ ಬರಲು ಅಂಜಿಕೆಯು
ಸಮಯಕೆ ಸುರಿದ ಸೋನೆಯಲಿ
ಅಳುಕಿನ ದುಃಖದ ಹಂಚಿಕೆಯು
ಹೆತ್ತವರ ಹಿತವನು ಬಯಸುತಲಿ
ಸುಖದಲಿ ಸಾಯಲು ದೀಕ್ಷೆತೊಡು

ಭಾವಯಾನದ ತೀರ

ಮೋಡಕೆ ಮೋಡ
ಗುದ್ದಿದಾಗ
ಮಿಂಚು ಮೊದಲು
ಬಂದಂತೆ
ಗುಡುಗು ನಂತರ
ಸಿಡಿದಂತೆ
ನಮ್ಮಿಬ್ಬರ ಪ್ರೀತಿಯಲ್ಲಿ
ಚರಣಗೀತೆ ಬರೆದಾಗ
ನೋವು ಸುಡುತಿದೆ
ಎದೆಯಲ್ಲಿ
ನುಡಿಯು ಕೇಳುತಿದೆ
ಕೊನೆಯಲ್ಲಿ
ಹೋದೆ ನೀನು ದೂರ
ಭಾವಯಾನದ ತೀರ

ತುಂಬಿದ ಕೆರೆಯ ನೀರನು
ಕದಡಲು ಕಲ್ಲು ಸಾಕು
ಮೊದಲ ಪ್ರೀತಿ ಮರ್ಲನು
ಮರೆಯಲು ಜನ್ಮ ಬೇಕು
ಕುಳಿತೆ ನಿನ್ನ ಧ್ಯಾನದಿ ನಾನು
ತೊರೆದೆ ಆಸೆ ಬಾಳಲಿ ಜೇನು

ತಂಪಿನ ಒಲವ ಉಣಿಸಲು
ಬರೆದ ಹಾಡು ನೂರಾರು
ಕಂಪಿನ ಭಾವ ರಮಿಸಲು
ಬೇಡಿದ ಜಾಡು ಹತ್ತಾರು
ಕಳಕೊಂಡ ಕರದ ರೀತಿಯಂತೇನು
ಬರವಣಿಗೆಯ ಪ್ರೀತಿ ಹುಚ್ಚಂತೆ ನೀನು

ಒಲವ ಧಾರೆ

ಮೋಡಕೆ ಮೋಡ
ಗುದ್ದಿದಾಗ
ಮಿಂಚು ಮೊದಲು
ಬಂದಂತೆ
ಗುಡುಗು ನಂತರ
ಸಿಡಿದಂತೆ
ನಮ್ಮಿಬ್ಬರ ಪ್ರೀತಿಯಲ್ಲಿ
ಚರಣಗೀತೆ ಬರೆದಾಗ
ನೋವು ಸುಡುತಿದೆ
ಎದೆಯಲ್ಲಿ
ನುಡಿಯು ಕೇಳುತಿದೆ
ಕೊನೆಯಲ್ಲಿ
ಹೋದೆ ನೀನು ದೂರ
ಭಾವಯಾನದ ತೀರ

ತುಂಬಿದ ಕೆರೆಯ ನೀರನು
ಕದಡಲು ಕಲ್ಲು ಸಾಕು
ಮೊದಲ ಪ್ರೀತಿ ಮರ್ಲನು
ಮರೆಯಲು ಜನ್ಮ ಬೇಕು
ಕುಳಿತೆ ನಿನ್ನ ಧ್ಯಾನದಿ ನಾನು
ತೊರೆದೆ ಆಸೆ ಬಾಳಲಿ ಜಾನು

ತಂಪಿನ ಒಲವ ಉಣಿಸಲು
ಬರೆದ ಹಾಡು ನೂರಾರು
ಕಂಪಿನ ಭಾವ ರಮಿಸಲು
ಬೇಡಿದ ಜಾಡು ಹತ್ತಾರು
ಕಳಕೊಂಡ ಕರದ ರೀತಿಯಂತೇನು
ಬರವಣಿಗೆಯ ಪ್ರೀಲತಿ ಹುಚ್ಚಂತೆ ನೀನು

ಬೇಕಾಗಿದ್ದಾರೆ ಹನಿ ನೀರ ದಾಸೋಹಿ!

ಎಲ್ಲೆಂದು ಅರಸಲಿ
ಹನಿ ನೀರನು
ಯಾರನ್ನು ಕೇಳಲಿ
ತುಸು ಜಲವನು

ಕಂಬನಿಯ ಸುರಿಸಲೂ ನೀರಿಲ್ಲ
ಬರಿದಾದ ನದಿಯೊಡಲಲಿ 
ಕಾಲುವೇಲಿ ಹರಿಸಲೂ ಜಲವಿಲ್ಲ
ಆರಿರುವ ಏರಿಯೊಳಗೆ

ಬರಿದಾದ ಕೆರೆ ಕಟ್ಟೆಗಳು
ಭಾಸವಾಗಿವೆ ಇಂದು
ಚಿಣ್ಣರೆಲ್ಲರು ಆಟ ಆಡುವ
ಮೈದಾನವೇ ಇದೆಂದು

ನೀರ ಹನಿ ಬಿಂದುವಿಗಾಗಿ
ಶುರುವಾಗಿದೆಲ್ಲೆಡೆ ಹಾಹಾಕಾರ
ಲಗ್ನವಾಗಿಲ್ಲ ಜೊತೆಯಾಗಿ
ಹುಡುಕಿ ಹಿಡಿದರೂ ಕಪ್ಪೆ ಸಂಗದವರ

ಮಠ ಮಂದಿರಗಳಲಿ
ಇಳಿಮುಖವಾಗಿದೆ ಭಕ್ತರ ಸಂಖ್ಯೆ
ಊರೂರ ಬೀದಿಗಳಲಿ
ಮಾಡಬೇಕಾಗಿದೆ ನೀರ ದಾಸೋಹಿ ಸಖ್ಯ

ಕೇರಿಯಲೊಬ್ಬರಂತೆ ಸಿಗುತಾರೆ
ನೀಡಲು ಹಣದ ಸಾಲ
ನೀರಿಲ್ಲದೆ ಬವಣೆಯಲಿ ಬೇಯುತಾರೆ
ಏರುತ ದಾಹವೆಂಬ ಶೂಲ

ಅದೆಂದೂ ಬರುವುದೋ?
ಕರಿಮೋಡ ಕರಗಿ ನೀರಾಗಲು
ಬತ್ತಿದೊಡಲ ತುಂಬುತ
ಬೆಳೆಯುವ ಕೃಷಿಕನ ನಗಿಸಲು

ಕೈ ಮುಗಿದು ಬೇಡಿದರೂ
ಕರುಣಾಮಯಿಯ
ಕಲ್ಲಾಗಿ ಬರಲಿಲ್ಲ ಕರಿಮೋಡ
ಸರಿಸಲು ಜಲಧಾರೆಯ