ಬೇಕೆ ಈ ಅಮ್ಮಂದಿರ ದಿನ?

 ಅಮ್ಮ ಎಂದೆರೆ ಪ್ರತಿ ಕ್ಷಣದ ದೇವರು

ಅವಳಿಗ್ಯಾಕೆ ವರ್ಷಕ್ಕೊಂದು ದಿನವ ಮಾಡಿಹರು?

ಇದ ನೋಡಲು ನಾಚಿಕೆಯಾಗುವುದು

ವರ್ಷಕ್ಕೊಮ್ಮೆ ಪ್ರಚಾರಕ್ಕಾಗಿ ಬಾವುಕರಾಗುವ ಜನರು

ಸ್ವಾಸ್ತ ಸಮಾಜದ ಪರಿಕಲ್ಪನೆಯೇ ಮರೀಚಿಕೆಯಾಗಿಹುದು

ಹೊತ್ತು ಹೆತ್ತು ಸಲುಹಿದವಳ ಗೂಡಲ್ಲಿಡಲಾಗದೆ

ಗುಡಿಯಲ್ಲಿಟ್ಟು ವಾರ್ಷಿಕ ಪೂಜೆ ಮಾಡಿದರೊಳಿತೆ?

ಹೆತ್ತವರ ಹೀನಾಯ ಸ್ಥಿತಿಯನಾವರಣ ವೃದ್ಧಾಶ್ರಮದಲಿ

ಪ್ರಜ್ಞಾವಂತರ ಮೌಢ್ಯತೆಯನಾವರಣಕ್ಕೊಂದು ದಿನ 

ವಿಶ್ವ ಅಮ್ಮಂದಿರ ದಿನವೆಂಬ ಶೀರ್ಷಿಕೆಯ ಸುದಿನ... ಛೀ...

ಗುರಿ ಮುಟ್ಟುವ ತನಕ,

ವಿಚಾರಿ