ಭರವಸೆಯೇ ಚೂರಾಗಿದೆ

ಅಲೆಗಳ ರಭಸಕೆ
ದಡ ಸೇರುವ ಮಿಡಿತವು
ನನ್ನ ಮನಸ್ಸಿನ ಮಿಡಿತಕೆ
ನಿನ್ನ ನೋಡುವ ಧ್ಯಾನವು
ಕೈ ಉಂಗುರದ ಗುರುತಿದೆ
ನಮ್ಮಿಬ್ಬರ ಭೇಟಿಗೆ
ಇದ ಹಿಡಿದು ಹೊರಟಿದೆ
ಹುಟುಕಾಟದ ಜಾತ್ರೆಲಿ

ಹೆಸರಿದೆ ಕಲ್ಪಿತ ಚಿತ್ರಕೆ
ಅರಸುವ ಕಾರ್ಯವು ನಡೆದಿದೆ
ಕಂಡಿರುವೆ ಮಾಸದ ಕಣ್ಣಂಚಿನ ವಿಸ್ಮಯವ
ಪುಟಿದೆಬ್ಬಿಸಿತು ಕಾಣುವ ಕಂಪನವ
ತಗ್ಗಿಸಿತು ಎದೆಯೊಳಗಿನ ಭಾವವ
ಖುದ್ದು ತೊಡಿಸುವ ಕಲ್ಪನೆ ಜೋರಾಗಿದೆ

ಶೋಧನೆಯ ಕೆಲಸಕೆ ಹೊಸಬನು
ಕದಿಯುವ ಚೋರನಲ್ಲ ನೀ ಜಾಲಾಡಲು
ಜೋಪಾನ ಮಾಡಿರುವೆ ತಿರುಗಿಸಲು ಚಿನ್ನವ
ದೋಣಿಯಲಿ ನದಿಯನು ದಾಟಿ ಬಂದಿರುವೆ
ಸಿಗದೆ ಸತಾಯಿಸುತ ಎಲ್ಲಿರುವೆ?
ಬಳಿಬಂದು ನೀಡುವೆನೆಂಬ ಭರವಸೆಯೇ ಚೂರಾಗಿದೆ