ಆಳ್ವಿಕೆ ಮಾಡು

ಹರಿವ ಹೊಳೆಯ ನೀರ ಮೇಲೆ
ಮಳೆಯು ಸುರಿದ ಹಾಗಿದೆ
ಯಾಕೆ ಹೀಗೆ ಮನದ ಓಲೆ
ಭಾವ ಲಹರಿಯ ಹಾಡಿದೆ
ಕದ್ದು ನೋಡಲು ನಿನ್ನ ಮೊಗವ
ತನುವಿನ ಆಸೆ ಏರುತ ಹೋಗಿದೆ
ನೋಡು ಒಳಗಿನ ಬಯಕೆ ರಾಜ್ಯವ
ಇಲ್ಲೇ ಆಳ್ವಿಕೆ ಮಾಡು ಎಂದಿದೆ

ಕೊಡೆಯನು ಹಿಡಿಯುವೆ
ಬಿಸಿಲ ಝಳಕೆ
ನೆರಳಿನ ನೆನೆಪೇ ಆಗದು
ಮಡಿಲಲಿ ಮಲಗಿಸಿ
ತುತ್ತ ನೀಡುವೆ
ತಾಯಿ ಹಂಬಲವೇ ಬಾರದು

ಕನಸಲು ಕಾಯುವೆ
ಪ್ರೀತಿ ಸುಧೆಯ
ಬೇರೆಡೆ ದೃಷ್ಟಿಯ ಹಾಯಿಸದೆ
ರೇಗದೆ ತಿಳಿಸುವೆ
ಪ್ರೇಮದ ಪರಿಯ
ಬೇಡುತ ತಾಳ್ಮೆಯ ಪರೀಕ್ಷಿಸದೆ