ಕಣ್ಣೋಟ ಸೆಳೆಯುವ ಕನ್ನೆಮನೆ

ಕರಿಕಾನ ಕಣಿವೆಯಲಿ ಹುಟ್ಟಿ
ಧುಮುಕುವ ತೊರೆಯಾದೆ
ತೋಟದ ಬೆಳೆಗೆ ಆಹಾರವು
ನೀ ಹರಿವ ಅಮೃತವು

ಕಂಡಲ್ಲಿ ಅಡ್ಡ ಕಟ್ಟಿ
ಸೆಳೆಯುವರು ತಮ್ಮೆಡೆಗೆ
ಹಿತ್ತಲಿನ ಹಸಿವಿಗಾಗಿ
ಬರಿದಾಗದಂತೆ ಬಾವಿ

ಅದಕಂಜದೆ ಧುಮ್ಮಿಕ್ಕಿ ಹರಿದಿರುವೆ
ಒಡಲಾದ ಕಡಲ ಕಿನಾರೆಯವರೆಗೆ
ಮೇಲಿನೂರು ಕೆಳಗಿನೂರೆಂದು
ಇಬ್ಬಾಗಿಸಿ ನಲಿದಿರುವೆ ನೀಲಕೋಡಿನಲಿ

ಈಜು ಕಲಿಸುತ ದೇವನ ಮೀಸುವೆ
ಕಾರ್ತೀಕ ಭಜನೆಗೆ ಅಂತ್ಯ ಹಾಡುವೆ
ಜಟಿಲ ದಾರಿಯಲಿ ಚಲಿಸುತ
ಕನ್ನೆಮನೆ ಸಾರವೆಂದು ಗುರುತಾಗಿರುವೆ