|| ತತ್ಕಾಲಿಕ ||

ಮಂಜು ಕರಗಿ ಹನಿಯಾದರೆನಂತೆ

ಮುಂಜಾವಿನ ನೀರು ಮಳೆಯಾಗದು
ಉರಿಯಲಿ ಬೆವೆತು ಒದ್ದೆ ಯಾದರು
ಮಿಂದಂತೆ ಮೈ ಮನ ಶುಚಿಯಾಗದು ||

ಬರುವ ನೀರನು ಹೊರ ಹಾಕಿ ಹರಿಸಿದರೂ
ತಿರುಗಿ ತುಂಬಿವ ಭರವಸೆಯುಂಟು ಕಣ್ಣಿಗೆ
ಹರಿವ ನೀರದು ನಿಲ್ಲದು ಹೊಸ ನೀರು ಬಂದಾಗ
ಹಳೆ ನೀರು ಹೊರಡುವುದು ಕೊನೆಕಾಣುತ ||

ಅಡೆಕೆ ಕದ್ದಾಗ ಹೋದ ಮಾನವು

ಆನೆ ಕೊಟ್ಟರೂ ಮರಳದು

ಸಣ್ಣ ಕೆಲಸದಲಿ ಹೋದ ನಂಬಿಕೆ

ಜೀವ ಕೊಟ್ಟರೂ ಮರಳದು ||

ನೀರ ಅಲೆಯಲಿ ಚೂರಾದ ಚಂದ್ರನು

ಸ್ವಛ್ಚಂದದ ಬಾನಿನಲಿ ಚಂದವು

ಹಲವರು ಸೇರಿ ಮರ್ಯಾದಿ ತೆಗೆದರೂ

ಒಳ್ಳೆತನವ ಕೊಲ್ಲಲಾಗದು ಮಾತಿನಲಿ ||