ಮಡಿಲಿನ ನೂಲನ್ನು ನೇಯುವ ನೇಕಾರ
ಅನುಭವಿಸೋ ನೋವನ್ನು ಪೇಳದೆ ಝೇಂಕಾರ
ಮೂಡಿದ ಬೆಳಕಲ್ಲಿ ನೋವಾರುವುದೇ ನೀತಿ
ಕಮಲದ ಕಣ್ಣಿನಲಿ ಕಾಡಿಗೆಯ ಕರಿಗುರುತು
ಅರಿಯದ ಮನಸಲ್ಲಿ ಮುಸುಕಿನ ಗುದ್ದಾಟ
ಸೂಕ್ಷ್ಮತೆಯ ಆರೈಕೆ ಒಲವಾಗುವ ಮುನ್ನ
ವ್ಯಾಪಾರ ವಹಿವಾಟು ಅತಿಯಾಯಿತು ಭಿನ್ನ
ಸಂತೈಸುವ ಮನಸು ಜೊತೆಯಾಗಲು ತಣಿಸು
ದೀಪವಾರುವ ಹೊತ್ತು ಆಗದಿರಲಿ ಕುತ್ತು
ಬೃಮರ ರೂಪ ತಾಳಿರುವ
ಭ್ರಮೆಯು ಮನದಲಿ
ಮಿಂಚ ವೇಗ ಮೀರಿಹುದು
ಗುಡುಗಿ ಅಡಗಿ ಹೋಗಿಹುದು
ಧೃತಿಯ ಹುರುಪು ಇಲ್ಲದೆ
ಕೃತಿಯು ಜನ್ಮ ತಾಳದು
ಮಿತಿಯು ಮೀರಿ ಹೋಗದಿರೆ
ಭ್ರಾಂತಿ ಕುಡಿಯು ಚಂದವು
ಶಾಂತಿ ಮಂತ್ರ ಜಪಿಸಲು
ಕ್ರಾಂತಿ ತಂತ್ರ ಶಪಿಸಲು
ಸಖಿಯ ಭಾವ ಹೊಂದಲು
ಸತಿಯ ನೋವ ಹರಣವು
ಮನದ ಮದವೆ ಸೇರು ಸಾವಿನೂರ
ಭಾವ ಬಂಧವ ಕಡಿದು ಸಾಗು ದೂರ
ಮನದ ಮನೆಯಲಿ ಜನಿಸು ಸ್ನೇಹಿ ಕುವರ
ಹಂಚಿ ಹನಿಸುತಲಿರು ನುಡಿದು ಪ್ರೀತಿ ಪ್ರವರ
ಜಗದಿ ಜನಿತ ಜೀವಕುಂಟು ಕರ್ಮ ದಾರ
ಹಿಡಿದು ಕುಣಿಸುನು ಮೇಲಿನ ಸೂತ್ರದಾರ
ನೀತಿ ನಾಯಕನಿವನು ತಿಳಿಸಿ ನೇರ
ಎಡವಿದರೆ ಜಡಿಯುವನು ಮೌನಿ ಧೀರ
ನಾನು ನನ್ನದು ಎಂಬ ಅಹಂಕಾರ
ಬಲಿತರದು ಒಡೆಯುವುದು ಪ್ರೀತಿ ಸಂಸಾರ
ನಾವು ನಮ್ಮವರೆಂಬ ಭಾವ ಸಾರ
ಅದನರಿತು ಸಾಗುವುದೇ ಜಾಣ್ಮೆ ವೀರ
ಉಸಿರಿನಲೆ ಹಸಿರೊಡೆವ ಭಾವ ತೀರ
ಈಜುತಲಿ ದಡಸೇರು ಹೇಳಿ ಪ್ರವರ
ಊರಾಚೆ ಅಡಗಿರುವ ವಿಷಯ ಘೋರ
ಬಿಡಿಸುತಲಿ ಮಾತಾಡು ಪ್ರೀತಿ ಕುವರ
ಜೀವನದ ಯೋಚನೆಯ ಹೊರಲು ಭಾರ
ಅನುಭವದಿ ಬಿಡಿಸು ನೀ ಅರಿತು ಸಾರ
ಕೊಸರಾಡು ಬಾಳಿನ ತಿರುವು ಧೀರ
ಹೆದರದಿರು ಫಲಗಳಿಗೆ ಸಹಜ ವೀರ
ನೀನು ನಾನಲ್ಲ ನೀನೆ ನಾನಲ್ಲ
ನೀನೆ ನಾನೆಂಬ ನನ್ನ ನಿನ್ನ ಬಿಂಬ
ತೋರುವುದು ಜಗಕೆಲ್ಲ ಒಣ ಜಂಭ
ಭಾನು ಅಳಿದಾ ಮೇಲೆ ಬೆಳಕು ಕಳೆದಾ ಮೇಲೆ
ತೋರುವುದು ಇನ್ನೆಲ್ಲಿ ಪ್ರತಿಬಿಂಬ
ಮಾತು ಕೊಟ್ಟ ಮೇಲೆ ಮೌನ ಬಿಟ್ಟ ಮೇಲೆ
ಮಾತು ಮಾತಾಗೇ ಉಳಿಯಲ್ಲ ಒಂದು ಮಾತಾಗೇ ಉಳಿಯಲ್ಲ
ಕೊಟ್ಟಾ ಮಾತಾ ನೀನು ಮುರಿದು ಬಿಟ್ಟ ಮೇಲೆ ಅಪರಾಧಿಯಾಗುವೆಯೋ ಜಗಮಲ್ಲ
ಕುಟುಕು ಮಾತಿನ ಮಾಲೆ ಕಪಟಿ ಮೋಸದ ಜಲ್ಲೆ
ಜೋಡಿಸದು ಎರಡಂಕಿಯ ಜನರನ್ನ
ಕಡಿಯುವುದು ಸೂರಾದ ಮಡಿಲನ್ನ
ನೀತಿ ತೊರೆದಾ ಮೇಲೆ ಮೌನ ಮುಡಿದಾ ಹಾಗೆ
ಎಲ್ಲಂತ ಸಿಗುವುದು ಪ್ರತಿಗೀತಿ ಇತ್ಯಾದಿ
ನೀನೊಬ್ಬ ಅನುಭವಿ ಬಾಳಿನಲಿ ಸೋತಾಗ
ಕಲಿಕೆಯ ಪರಿವಿಡಿ ಛಲದಲಿ ಪುಟಿದಾಗ
ದುಡಿಮೆಯ ಹಠಬೇಕು ವಿಜಯವ ಧರಿಸಲು
ಒಲುಮೆಯ ಹಿತಸಾಕು ಅರಿಯನು ಮಣಿಸಲು
ಚಟವನು ತಡೆದು ಏಣಿಯ ಏರು
ಕೆಡುಕಲಿ ನಿಂತಾಗ ಸೂತಕ ಮನದಲಿ
ಕಸಿವಿಸಿಯಾದಾಗ ಜಾತಕ ಕೈಯಲಿ
ಒಳಿತನು ಬಯಸಲು ಒಸಗೆಯು ಬೇಡ
ಉಸಿರನು ಕಾಯಲು ಬೆಸುಗೆಯು ಬೇಡ
ಪ್ರೀತಿಯ ಹಂಚುತ ಪುಟವನು ಸೇರು
ನೋವಿನ ಸಾವಿನಲಿ ನಲಿವಿನ ಯುಗವುಂಟು
ನವಿಲಿನ ಕುಣಿತಕ್ಕೆ ಕೋಗಿಲೆ ಹಾಡುಂಟು
ಎನ್ನುತ ಬದುಕುವುದೇ ಭರವಸೆ ಜೀವನ
ಸೋಲು (ಸೋಲೆ) ಗೆಲುವಿನ ಮೂಲ ಸ್ವಾರ್ಥ ಬದುಕಿಗೆ ಶೂಲ
ಮರೆತವ ನೀನಾಗು ತೊರೆದು ಅಹಮ್ಮಿನ ಮೇಳ
ಸ್ಪೂರ್ತಿಗೆ ಪದವುಂಟು ಸ್ನೇಹಕೆ ತಪವುಂಟು
ಪ್ರೀತಿ ಪ್ರೇಮದಗಳಿಕೆ ಹೊತ್ತಿನ ಬಳುವಳಿಯು
ಕಲಿಯುವ ಹಪಹಪಿಗೆ ಮನದಲಿ ಛಲವುಂಟು
ಹಾರುವ ಕಪಿಗಳಿಗೆ ಉಣ್ಣುವ ಗುರಿಯುಂಟು
ಜನಿಸಿದ ಮಗುವೆಂದೂ ಹುಲ್ಲುಣ್ಣಲಾರದು
ಎಂಬೆಲ್ಲ ಮಾತಲ್ಲಿ ಬಾಳಿನ ಗುಟ್ಟುಂಟು
ಗುಟ್ಟರಿಯದ ಬದುಕು ವ್ಯರ್ಥಕೆ ಸಮವುಂಟು
ತಳಿದವನ ಬಾಳಲ್ಲಿ ನಿಲುಗಡೆ ಖಚಿತವು
