ಪದೆ ಪದೆ ನನ್ನ ಕಾಡುವ ಮನಸೆ
ಏಕೆ ಹೀಗೆ ಸತಾಯಿಸುವೆ?
ಎತ್ತರ ನೋಡಿ ಹತ್ತುವ ಹಂಬಲ
ಬೀಳುವ ಯೋಚನೆ ಮರೆಯುವೆಯೇ?
ನೋವು ನಲಿವಿನ ಮಜಲಿಗೆ ಕಾರಣ
ಕೈಗೆಟುಕದ ಹಸಿವಿನ ಧಾರಣ
ಪ್ರೀತಿ ಹಂಚಿಕೆ ಏಳಿಗೆ ಹೂರಣ
ದ್ವೇಷ ಅಸೂಯೆ ಬದುಕಿಗೆ ಮಾರಣ
ಏಳು ಬೀಳಿನ ಏರಿಳಿತದಲಿ
ಕಪ್ಪು ಬಿಳಿಪಿನ ಚಲನಚಿತ್ರವು
ಸೋಲು ಗೆಲುವಿನ ಹೋರಾಟದಲಿ
ಸಮ ಚಿತ್ತವೆ ನಿದರ್ಶನವಾಗಲಿ
ದಾರಿ ಹೋಕರು ಜಗದ ಪುಟದಲಿ
ಬಾಗಿ ನಿಂತಿರುವ ಬಿಕ್ಷುಕರೆಲ್ಲರು
ಊರ ನಡುವಿನ ವೇದಿಕೆ ಮೇಲೆ
ಅನ್ಯರ ನಗಿಸುವ ನಟರುಗೆಳೆಲ್ಲರು
